Hum Hongey Kahin

Hum Hongey Kahin Lyrics

Sheh Kehte Thay Bibi Hamay Ab Jaane Do Ghar Se
Wo Kehti Thi Saaya Jo Ye Uth Jayega Sar Se
Haye Haye Mai Tumhe Dhoond Ke Laungi Kidhar Se
Sheh Kehte Thay Maqtal Hi May Paogi Sakina

Hum Hongey Kahin Tum Kahin Jaogi Sakina

Dhondogi To Phir Hum Ko Na Paogi Sakina
Hum Hongey Kahin Tum Kahin Jaogi Sakina

Jab Umr Thi Kam Hum Bhi Chutay Thay Yuhin Maa Se
Sotay Thay Lipat Kar Yuhin Khatoon E Jina Se
Kooch Unka Hua Saamne Ankhon Ke Jahan Se
Sadme Yehi Ab Tum Bhi Uthaogi Sakina
Hum Hongey Kahin Tum Kahin Jaogi Sakina

Jangal May Bahot Khaafle Lut Jaate Hai Bibi
Barso Jo Rahe Saath Wo Chuth Jaate Hai Bibi
Hasrat Se Ye Dam Seeno May Ghut Jaate Hai Bibi
Chuth Jaogi Baba Ko Na Paogi Sakina
Hum Hongey Kahin Tum Kahin Jaogi Sakina

Din Hijr Ke Aa Pahunche Gaye Wasl Ke Ayyam
Likha Tha Bahot Kam Teri Taqdeer May Aaram
Dikhlayegi Ye Subho Yateemi Ki Tumhe Shaam
Kis Tarha Se Ye Daagh Uthaogi Sakina
Hum Hongey Kahin Tum Kahin Jaogi Sakina

Yun Kehne Lagi Seene Pe Moo Rakh Ke Wo Nadan
Kehte Hai Yateemi Kisay Mai Aap Pe Qurbaan
Hazrat Ne Kaha Saqt Musibat Hai Meri Jaan
Chain Aisi Aziyat May Na Paogi Sakina
Hum Hongey Kahin Tum Kahin Jaogi Sakina

Ab Aaya Samajh May Ye Sukhan Honton Pe Laana
Kyun Kehte Thay Zainab Isay Chaati Pe Sulana
Are Bano Mere Peeche Na Sakina Ko Rulana
Dil Kehta Tha Baba Ko Na Paogi Sakina
Hum Hongey Kahin Tum Kahin Jaogi Sakina

Khamosh Anees Ab Ke Jigar Chaak Hai Gham Se
Behta Hai Lahoo Ashk Ki Jaan Dida E Nam Se
Doori Ye Ziyarat Sahi Jaati Nahi Hum Se
Kya Rauze Pe Apne Na Bulaogi Sakina
Hum Hongey Kahin Tum Kahin Jaogi Sakina