Mera Akbar Maar Diya

Mera Akbar Maar Diya Lyrics

Maara Gya Hai Naize Se Beta Hussain Ka
Ye Sun Ajab Haal Tha Mola Hussain Ka

Kabhi Girte The Kabhi Uthte The
Kahte The Hussain Ye Ro Ro Kar

Mera Akbar Maar Diya

Kis Tarah Uthaon Ga Lasha
Haye Main Apne Kande Par
Mera Akbar Maar Diya

Bete Ki Judai Ankhon Ki
Binai Bhi Le Jati Hai
Ek Maa Ja Ja Kar Khaimon Ki
Diwaron Se Takdati Hai
Jab Baap Sadain Deta Hai
Ran Mein Lashon Se Takra Kar
Mera Akbar Maar Diya

Arman Akbar Ki Shadi Ka
Mere Dil Mein Hi Dam Tod Gaya
Socha Tha Main Usko Apne
Hathon Se Bnaon Ga Dulha
Ye Baap Sajaye Ga Haye
Ab Sehra Kis Ke Mathe Par
Mera Akbar Maar Diya

Atharan Saal Jise Pala
Nazon Se Meri Zainab Ne
Bharchhi Ke Bad Uss Bete Ko
Talwaron Se Maara Sab Ne
Kis Tarha Kahon Ga Khaimon Main
Jab Jaon Ga Lasha Le Kar
Mera Akbar Maar Diya

Mujhe Hosla De Warna Beta
Tera Baba Bhi Maar Jaye Ga
Mujh Se Tere Qatil Kehte Hain
Tera Akbar Ab Na Aaye Ga
Wo Naiza Dikha Kar Haste Hain
Jab Kehta Hon Main Ro Ro Kar
Mera Akbar Maar Diya

Chalte Chalte Ye Kehte Hue
Hathon Se Qamar Ko Tham Liya
Abbas Agar Tum Hote To
Mera Akbar Bhi Zinda Hota
Pehle Tujhe Maar Diya Or Ab
In Sham Ke Logon Ne Mil Kar
Mera Akbar Maar Diya

Jab Pass Akbar Ke Pohanche To
Zakhmi Uska Seena Dekha
Baite Ne Akhri Hijki Li
Jab Tota Huwa Naiza Khaincha
Shabbir Ne Bas Ye Kehte Hue
Sar Rakh Diya Zakhmi Seene Par
Mera Akbar Maar Diya

Zeeahan o Raza Jab Beti Ka
Jab Bete Ke Seene Pe Rakha
Shabbir Ke Ashkon Ki Tarha
Akbar Ka Khon Tapakne Laga
Jis Hath Se Barchi Khainchi Thi
Uss Hath Se Likha Jab Khat Par
Mera Akbar Maar Diya