Shahid Baltistani
Zeeshan Abidi
Aao Aao Aashiqaan e Mustafa
Ye Mah e Aza Hai
Iss Zameen Ta Arsh e Bareen Charon Taraf
Jo Gham Ki Fiza Hai
Ye Mah e Aza Hai
Aarzo e Kibriya Hai Matam e Hussain
Bakhshishon Ka Rasta Hai Matam e Hussain
Nau Nizam e Mustafa Hai Maatam e Hussain
Ali o Fatima Ka Laal Hai Ye
Khuda Ka Ladla Hussain
Hussain Ibn e Muhammad (SAW)
Koi Nahi Koi Nahi Ladla Aaisa
Jis Ke Liye Rab Ne Ho Qanoon Ko Badla
Saar e Sahifon Main Kitabon Main Likha Hai
Jhukna Kisi Mitti Ko Jaiyz Nahi Wallah
Magar Hussain Tera Jahan Pe Khoon Gira
Kiya Khuda Ne Usse Khaak e Shifa
Roz e Azal Bol Chuka Khaliq e Akbar
Khuld Ki She Khuld Se Jaati Nahi Bahir
Kala Libaas Iss Ke Liye Pehna Hai Hum Ne
Jis Ka Libaas Aaya Tha Jannat Se Zameen Par
Ye Hum Se Mat Pocho Hamain Nahi Toko
Hai Dam To Badlo Ghilaf e Kaba
Hamare Ishq Ki Misaal Karbala
Hamara Markazi Khayal Ya Hussain
Pehli Dafa Godh Main Jab Tujh Ko Uthaya
Khud Ko Muhammad Ne Azadar Banaya
Nana Ke Ashkon Ko Bhulaya Nahi Tu Ne
Han Deen e Muhammad Tha Magar Tu Ne Bachaya
Ae Aashiqaan e Nabi Aza Main Aansu Abhi
Bahao Kar Lo Muhammad Se Wafa
Aaqa Muhammad Ke Gharane Ka Ye Gham Hai
Majlis e Shabir Main Aana Ye Karam Hai
Hai Ye Jo Badi Shan Se Ghar Ghar Pe Laga Hai
Aal e Muhammad Ki Nishani Ye Alam Hai
Alam Uthate Raho Ye Gham Manate Raho
Ali o Fatima Se Le Lo Dua
Hamare Ishq Ki Misaal Karbala
Hamara Markazi Khayaal Ya Hussain
Ana Majnoon Ul Hussain
Tere Hi Matam Main Fana Hai Meri Hasti
Karbobala Hi To Fakeron Ki Hai Basti
Han Kaise Samajh Paye Malangon Ko Zamana
Aqal Se Bala Hai Tere Ishq Ki Masti
Ae Sakhi Ibn e Sakhi Tu Banata Hai Wali
Hai Ye Shahbaz Qalandar Ki Sada
Iss Ka Laho Mera Laho
Iss Ka Badan Mera Badan Hai
Iss Ki Aankhain Meri Aankhain
Iss Ka Chalan Mera Chalan Hai
Ye Qoul e Nabi Hai
Kya Kahe Zeeshan o Darwaish e Aza
Afsos Yehi Hai
Jo Muhammad Ne Kaha Logon Ne Wo Jhutlaya
Haye Mehman Ko Karbobala Bulwaya
Us Ko Pani Na Diya Us Ka Ghar Loot Liya
Zakhmi Neze Se Kiya Sena Ali Akbar Ka
Teer Se Chheed Diya Nana Gala Asghar Ka
Uss Ka Qasim Na Raha Uss Ka Ghazi Na Raha
Mar Gaye Aun o Muhammad Koi Yarwar Na Bacha
Reh Gaya Dasht Mein Tanha
Wo Ghareeb e Zahra
Murtajiz Sawar Akela Chala Hussain
Teer o Tabar Gurz Se Zakhmi Hua Hussain
Itne Sitam Par Bhi Sambhalta Raha Hussain
Maar Ke Naizon Se Giraya Gaya Hussain
Shimr e Laeen Shah Ke Jab Seene Pe Aaya
Haye Khench Ke Baalon Se Tamacha Bhi Lagaya
Hath Rakha Maa Ne, Bohat Bar Bachaya
Haye Magar Kat Gaya Sar, Bach Nahi Paya
Shimar Chala Balon Se Jab Sar Ko Utha Kar
Fatima Zahra Ne Kaha Khaak Uda Kar
Wawaila Hussain
