Karbala Se Shaam Ja Rahay Hain Hussain Lyrics - Farhan Ali Waris

Karbala Se Shaam Ja Rahay Hain Hussain Lyrics in Urdu

کَربلا بسا کر اپنا گھر لُٹا کر
گودھ كے سبھی پلے ریت میں چُھپا کر

کَربلا سے شام جا رہے ہیں حُسینؑ

نیزے پہ قُرآن سُنا رہے ہیں حُسینؑ
کَربلا سے شام جا رہے ہیں حُسینؑ

جَنگِ کَربلا کو میں نے فتحَ کر لیا
فَتحِ دمشق ہوگی بنتِ سیدہ
یہ قدم قدم بتا رہے ہیں حُسینؑ
نیزے پہ قُرآن سُنا رہے ہیں حُسینؑ

بیبیوں كے سَر کھلے کوئی نا دیکھ لے
ہر نگاہ میری سمت ہی جَمی رہے
سب کو معجزہ دِکھا رہے ہیں حُسینؑ
نیزے پہ قُرآن سُنا رہے ہیں حُسینؑ

بین تھے سكینہؑ كے میں رو نہیں سکی
بابا کتنے دن ہوئے میں سو نہیں سکی
لوری بیٹی کو سُنا رہے ہیں حُسینؑ
نیزے پہ قُرآن سُنا رہے ہیں حُسینؑ

بے ردا حرم ہیں چار سمت اہلِ شر
خون رو رہا ہے سارباں جُھکائے سَر
اِسکا حوصلہ بڑھا رہے ہیں حُسینؑ
نیزے پہ قُرآن سنا رہے ہیں حُسینؑ

آگ اور پَتھروں کی بارشیں ہوئی
زَخمی سَر بہن کا ہے لہو لہو جبیں
زخم پتھروں سے کھا رہے ہیں حُسینؑ
نیزے پہ قُرآن سُنا رہے ہیں حُسینؑ

جب سُنا یہ شیریں نے تو رو كے دی صدا
جاگ اُٹھا نَصیب میرا اے میرے خُدا
آج میرے گھر پہ آرہے ہیں حُسینؑ
نیزے پہ قُرآن سُنا رہے ہیں حُسینؑ

بیٹے بھانجے بھتیجے بَن میں سو چُکے
علقمہ پہ شِیر جیسا بھائی کھو چُکے
وعدہ آخری نبھا رہے ہیں حُسینؑ
نیزے پہ قُرآن سُنا رہے ہیں حُسینؑ

قافلے سے مُطمئن اِمام ہو گئے
شام پہنچے ختم سارے کام ہو گئے
ناناؐ سے دُعائیِں پا رہے ہیں حُسینؑ
نیزے پہ قُرآن سُنا رہے ہیں حُسینؑ

مانتے ہیں ماتمی بھی اور فرحان بھی
دَاستانِ غَم سفر کی مظہرؔ عابدی
لکھ رہا ہوں میں لکھا رہے ہیں حُسینؑ
نیزے پہ قُرآن سنا رہے ہیں حُسینؑ

Karbala Se Shaam Ja Rahay Hain Hussain Lyrics - Farhan Ali Waris