Mir Hasan Mir
Mir Takallum
Mil Saka Na Jab Ali Akbar Ka Lasha Dair Tak
Ghutniyo Chalte Rahe Maqtal Mein Mola Dair Tak
Jane Kis Tarah Tamache Shimr Ne Mare Usse
Siskiyan Leti Rahi Pyasi Sakina Dair Tak
Lasha e Abbas Ke Tukdon Ko Rakh Kar Qabr Mein
Jane Kya Kehte Rahe Sajjad Mola Dair Tak
Aap Ka Qasim Yahi Hai Shah Ko Kehna Padha
Maa Kahan Pehchan Pai Apna Beta Dair Tak
Do Katte Hathon Ka Tha Zainab Ko Itna Intezar
Jab Kaha Mukhtar Ne Ae Shimr Tu Khud Hi Bata
Kis Liye Tadpe Zyada Mere Mola Dair Tak
Shimr Bola Kya Btaon Mera Khanjar Kund Tha
Isliye Tadpe Zyada Tere Mola Dair Tak
Le Gaya Tha Shimr To Sar Kaat Kar Shabbir Ka
Lash Par Roti Rahi Bete Ki Zehra Dair Tak
Tha Takallum Mar Ke Bhi Aoun o Muhammad Ka Jalal
Tegh Ka Qabza Na Shahzadon Ne Chodha Dair Tak











