Baap Se Batain Karo Akber Lyrics - Mir Hasan Mir

Baap Se Batain Karo Akber Lyrics - Mir Hasan Mir

Baap Se Batain Karo Akber Lyrics in Urdu

جوان لال کو مقتل سے جب اُٹھا كے چلے
حُسینؑ روتے رہے اور پِسر سے کہتے رہے
خاموش نا ہو باپ سے باتیں کرو اکبر

ہم تُم کو ملا دیں گے پھوپھی جان سے جا کر
خاموش نا ہو باپ سے باتیں کرو اکبر

اے لال کلیجے میں ابھی درد تو ہو گا
نکلا ہے لہو اتنا بدن سرد تو ہو گا
تم چُپ ہو تو چلتے ہیں میرے قلب پہ خنجر
خاموش نا ہو باپ سے باتیں کرو اکبر

قدموں کی طرف سے ہیں اٹھائے ہوئے بابا
اور سَر کی طرف سے ہیں سنبھالے ہوئے زہرا
آنكھوں کو ذرا کھول كے دیکھو تو یہ منظر
خاموش نا ہو باپ سے باتیں کرو اکبر

تم خون اُگلتے ہو تو بھر جاتا ہے چُلُّو
بتلاؤ کریں ضبط کہاں تک میرے آنسوں
بیٹا نکل آئے گا کلیجہ میرا باہر
خاموش نا ہو باپ سے باتیں کرو اکبر

دریا پہ گئے ہو گے جو لڑتے ہوئے بیٹا
جلدی سے بتاؤ میرا پھٹتا ہے کلیجہ
کس حال میں ہے لاشہ عباسِ دِلاور
خاموش نا ہو باپ سے باتیں کرو اکبر

تم خود بھی سمجھتے ہو یہ مجبوری میری ہے
آہستہ جو چلتا ہوں کمر ٹوٹی ہوئی ہے
تھوڑا سا سفر باقی ہے ہمت کرو دلبر
خاموش نا ہو باپ سے باتیں کرو اکبر

بیٹا ہمیں میدان کی رُوداد سناؤ
کیا حال ہے اب پیاس کا بابا کو بتاؤ
انگوٹھی دھن سے کیوں نکل آئی ہے باہر
خاموش نا ہو باپ سے باتیں کرو اکبر

ماتھے سے پسینہ تو ابھی صاف کیا ہے
کیا زخم کی تکلیف نے منه کھول دیا ہے
سانسیں کیوں میری جان نہیں آتیں برابر
خاموش نا ہو باپ سے باتیں کرو اکبر

شہہ بولے تکلمؔ كے اُٹھو آ گیا خیمہ
سینے سے ذرا ہاتھ ہٹا لو میرے بیٹا
اِس حال میں دیکھے گی تو مر جائے گی مدار
خاموش نا ہو باپ سے باتیں کرو اکبر