Farhan Ali Waris
Mazhar Abidi
Din Ro Ke Guzarta Hai Aur Raat Bhi Matam Mein
Jazbat Likhe Sare Sughra Ne Tere Gham Mein
Khat Aaya Hai Sughra Ka Karti Hai Behan Noha
Han Tere Liye Bhaiya Ghar Ho Gaya Veeran
Shahzadah Ali Akbar
Shahzadah Ali Akbar Sughra Ke Dill O Jaan
Is Ghar Mein Umeedon Ke Jalte Hain Diye Bhaiya
Kiun Karbobala Ja Ke Tum Bhool Gaye Waada
Behnon Ka Sahara To Hote Hain Sada Bhai
Behnon Ki Nigahon Mein Rehte Hain Sada Bhai
Ankhon Mein Tera Chehra Phirta Hai Mere Bhaiya
Khali Hai Tera Hujra Behna Hai Pareshan
Shahzadah Ali Akbar
Shahzadah Ali Akbar Sughra Ke Dill O Jaan
Ye Socha Tha Sughra Ne Dulhan Teri Laun Gi
Main Neeg Bhi Mangun Gi Mehndi Bhi Lagaun Gi
Tu Laot Ke Na Aya Dill Toot Gya Mera
Phir Khak Huye Bhaiya Is Dill Ke Sab Armaan
Shahzadah Ali Akbar
Shahzadah Ali Akbar Sughra Ke Dill O Jaan
Ek Sal Huwa Bhaiya Chehra Na Tera Daikha
Is Baat Pe Roti Hun Sehra Na Tera Daikha
Dulhan Jo Kabhi Lana Mujh Ko Bhi Bula Lena
Tum Bhool Nahi Jana Rakh Lena Mera Maan
Shahzadah Ali Akbar
Shahzadah Ali Akbar Sughra Ke Dill O Jaan
Kaanon Mein Mere Aai Awaz E Azan Akbar
Main Rote Huye Pahunchi Tab Nana Ke Rozay Par
Karbal Se Hawa Ai, Yeh Sath Khabar Lai
Akbar Ne Sinaan Khai, Hai Barsar E Maidan
Shahzadah Ali Akbar
Shahzadah Ali Akbar Sughra Ke Dill O Jaan
Maqtal Mein Shah E Wala Bas Khak Urhate The
Khat Fatima Sughra Ka Akbar Ko Sunate The
Ye Waqaiya Jab Likha Lafzon Nay Kiya Giriya
Bas Khatm Hua Noha Ae Mazhar O Farhan
Shahzadah Ali Akbar
Shahzadah Ali Akbar Sughra Ke Dill O Jaan
Shahzadah Ali Akbar Sughra Ke Dill O Jaan
