Syed Raza Abbas Zaidi
Zeeshan Abidi
Zakhmi Kaanon Pe Hathon Ko Rakhe Hue
Niklee Khaimon Se Ik Bachi Roti Hui
Is Ka Kurta Jala
Surkh Rukhsaar Tha
Baba Baba Ki Woh De Rahi Thi Sada
Haye Larzah Tha Is Ke Hathon Mein
Baap Ko Dhoondti Thi Laashon Mein
Jab Woh Baba Ko Dhoond Nah Payi
Aik Lashe Se Ye Sada Aayi
Aaja Meri Jaan Sakina Tu Kahan Hai
Tera Baba Yahan Hai
Aaise Ghabra Nahi Meri Bachi
Hai Tera Baba Taire Sath Abhi
Dhoond Laashon Mein Aik Laash Aaisi
Jiski Ik Aungli Kati Hai Beti
Sunkay Sakeena Ne Kaha
Baba Unn Hathon Se
Tum Ne Jo Tohfe Mein Mujhe
Lakar Diye The
Shamer Woh Gohar Le Gaya
Baba Kahan Ho
Khoo Mere Kaanon Se Baha
Baba Kahan Ho
Meri Aawaz Sunke Aja Idher
Ho Chuka Hai Mera Badan Be Sir
Waar Itne Kiye Gaye Mujh Par
Aa Chuki Hain Meri Ragein Bahar
Aate Hue Mein Ne Suna
Keh Raha Tha Koi
Phuphion Ke Shaanon Se Meri
Gardan Bandhe Gi
Chhota Hai Qad Sab Se Mera
Baba Kahan Ho
Hoga Mera Zakhmi Gala
Baba Kahan Ho
Kaise Pehchano Gi Mujhe Balo
Mil Ke Mara Hai Tere Baba Ko
Ae Meri Jaan Meri Baat Suno
Sab Se Zakhmi Badan Talaash Karo
Mar Ke Jab Tum Ko Laain
Khaimon Mein Aaya
Baal Mere Kheinche Mujhe
Mara Tamancha
Zakhmi huwa Chehra Mera
Baba Kahan Ho
Itna Mujhe Mara Gaya
Baba Kahan Ho
Kab Se Jaagi Hai Paas Aa Mere
Aa Rahi Hogi Beta Neend Tujhe
Tu Magar Soye Gi Yahan Kaise
Mera Seena Bhara Hai Teeron Se
Teer Nikalon Gi Mein Khud
Nanhe Hathon Se
Baba Magar Saongi Main
Seene Pe Tere
Run Mein Andhera Hogaya
Baba Kahan Ho
Seena Kahan Dhundon Tera
Baba Kahan Ho
Pehli Manzil Hai Yh Museebat Ki
Zulm Sehne Hain Thujko Aur Abhi
Jo Sune Ga To Hai Meri Beti
Aur Maare Ga Thujko Ae Bibi
Aap Ki Beti Hon Usse
Jab Ye Bataya
Jaan Ke Zalim Ne Mera
Daman Jalaya
Chheen Ke Le Gaya Rida
Baba Kahan Ho
Deti Rahi Mein Ye Sada
Baba Kahan Ho
Ye Bhi Pehchan Hai Meri Sun Le
Jab Giraya Gaya Mujhe Zeen Se
Yun To Talwaar Bhi Chali Mujh Pe
Sab Se Gehre Hain Zakham Naizon Ke
Naize Ka Jab Naam Suna Boli Sakina
Is Tarah Khuli Ne Mujhe Naize Se Mara
Chehre Ke Bal Giradiya
Baba Kahan Ho
Yaad Bohat Aaye Chacha
Baba Kahan Ho
Dhoonda Zeeshan Aur Raza Har Soo
Aayi Jis Waqt Baap Ki Khushbu
Ponch Kar Nanhe Haath Se Ansoo
Pohanchi Lashe Pe Hoke Be Qaboo
Gham Jo Sahe Bhool Gayi
Jab Dekha Manzar
Ghoron Se Pamaal Badan
Aur Tha Kata Sir
Phir Na Sakina Ne Kaha
Baba Kahan Ho
Uth Ke Sunu Haal Mera
Baba Kahan Ho
