Irfan Haider
Zeeshan Abidi
Jab Rah e Sham Mein
Dekha Ghareeb Baap Ka Sar
Nok e Seena Par To Sakina Ne Tadap Kar
Ye Kiya Tha Noha Baba Baba
Jab Koi Yateema Kehta Hai
Mujhe Aap Bohat Yad Aate Hain
Kab Hoga Safar Khatam Ye Mera
Rahon Mein Kanton Par
Chalte Chalte Main Thak Gai Hon Baba Jaan
Jab Se Rasan Mein Ye Gala Hai
Baba Mera Dum Ghot Raha Hai
Mushkil Hai Ye Safar
Main Iss Safar Mein Mar Na Jaun
Aakar Sambhalo Gir Na Jaun Khak Par
Dekho Na Panjon Par
Chalte Chalte Main Thak Gai Hon Baba Jaan
Bad Aap Ke Jab Shimar Aaya
Baba Mera Daman Jalaya
Chheene Mere Gohar
Deti Rahi Ro Kar Duhai
Balon Se Kheencha Jab Main Aai Lash Par
Zakhmi Hai Mera Sar
Chalte Chalte Main Thak Gai Hon Baba Jaan
Pehle To Mujh Ko Ek Qadam Bhi
Chalne Nahi Deta Tha Bhai
Kya Woh Bhol Gaya
Baba Teri Jis Par Nazar Hai
Han Wo Mere Bhai Ka Sar Hai Pochho Zara
Sunta Nahi Kyun Akbar
Chalte Chalte Main Thak Gai Hon Baba Jaan
Sab Dekhte Hain Bas Tamasha
Jo Bhi Mila Dekho Tamacha
Us Ne Mara Mujhe
Kab Tak Raha Hogi Sakina
Yad Aa Raha Hai Ab Madina Baba Mujhe
Jaungi Main Kab Ghar
Chalte Chalte Main Thak Gai Hon Baba Jaan
Rokar Sakina Ne Sada Di
Seene Pe Sone Ki Hoon Aadi
Neend Aayi Hai Mujhe
Main Khak Par So Na Sakoon Gi
Bas Ye Sada Deti Rahongi Baba Tujhe
Godi Mein Lo Aakar
Chalte Chalte Main Thak Gai Hon Baba Jaan
Pyasi Ko Sab Ne Yun Sataya
Pani Dikhaya Or Bahaya
Kya Kya Maine Saha
Naize Se Ammu Ka Gira Sar
Jab Sham Walon Se Tadapke Main Ne Kaha
Pani Mujhe Do Lakar
Chalte Chalte Main Thak Gai Hon Baba Jaan
Darbar Mein Manzar Jo Dekha
Zeeshan Wo Kaise Likhe Ga
Ae Irfan e Aza
Beti Ne Ro Ke Jab Sada Di
Baba Ka Sar Godi Mein Us Ki Aa Gaya
Kahti Rahi Ro Ro Kar
Chalte Chalte Main Thak Gai Hon Baba Jaan
