Dar E Zindan Pe Koi Masooma

Dar E Zindan Pe Koi Masooma Lyrics in Urdu

دَرِ زنداں پر کوئی معصومہؑ
پڑھا کرتی ہے یہ رو کر نوحہ

بہت ڈر مجھ کو یہاں لگتا ہے
بہت تنہا ہوں چلے آؤ نا

خود آ كے دیکھ لو بابا میری حالت
نہیں پہچان پاؤ گے میری صورت
سہے بچپن میں مصائب اتنے
ضیفہ دِکھنے لگی یہ دُکھیا

بڑا دُشوار ہے اِس قید میں جینا
بُہت یاد آ رہا ہے آپ کا سینہ
گئے ہو جب سے نہیں سوئی میں
سکوں سے اب تک کبھی اک لمحہ

مجھے پِھر قبر میں لگنے لگا ہے ڈر
نِکالا تھا جنہوں نے لاشہِ اصغرؑ
وہ ظالم پِھر سے پلٹ آئیں ہیں
پھوپھیؑ اور میں ہوں یہاں پِھر تنہا

میں روؤں لے كے کب تک سیسکیاں باباؑ
بُہت دُکھتی ہیں میری پسلیاں بابا
سكینہؑ اِس دم ہے کس حالت میں
فقط سمجھیں گی یہ دادی زہراؑ

نظر آتا نہیں آنكھوں کو مَلتی ہوں
سہارا لے كے دیواروں کا چلتی ہوں
پکڑ کر زُلفیں مجھے ظالم نے
نا جانے کیسا طمانچہ مارا

لگے ہیں زخم جتنے سب دِکھاؤں گی
جب آؤ گے تو میں سب کچھ بتاؤں گی
بہت مارا ہے بہت تڑپایا
مجھے لوگوں نے سمجھ کر تنہا

ندیمؔ اُس وقت خود زنداں روتا تھا
سكینہؑ جس گھڑی پڑھتی تھی یہ نوحہ
مجھے لگتا ہے کے اب گھٹ گھٹ کر
نکل جائے گا یہیں دم میرا