Ya Ali Ya Hussain

Ya Ali Ya Hussain Lyrics

Allah Hi Allah
Tu Hi Tu Allah

Jo Muhammad Ka Wafadar Hai
Allah Us Ka Karbala Us Ki
Najaf Us Ka Madina Us Ka
Zindagi Hai To Bas Ali Ki Tarah
Maot Aye To Ya Hussain Hussain
Ya Ali Ya Hussain

Awaz E Muhammad Ka Asar Khatm Na Ho Ga
Thak Jaye Ga Sooraj Yeh Safar Khatm Na Ho Ga
Ya Ali Ya Hussain

Laraib Ke Rasool Ki Dono Hain Zaib O Zain
Pehloo Mein Ya Ali Hain To Godi Mein Ya Hussain
Loh O Qalam Ka Ilm Ka Salik Hai Ya Ali
Jab Tak Khuda Ka Mulk Hai Malik Hai Ya Hussain
Yeh Ilm Ka Dar Sabr Ka Ghar Khatm Na Ho Ga
Thak Jaye Ga Sooraj Yeh Safar Khatm Na Ho Ga

Yeh Saltanat E Ishq Hai Khud Daar Milen Ge
Salman O Abuzar Se Wafadar Milen Ge
Ashiq Yahan Mesum Se Jigar Daar Milen Ge
Jeene Ke Liye Marne Pe Tayar Milen Ge
Kat Jaye Ga Zaban Ishq Magar Khatm Na Ho Ga
Thak Jaye Ga Sooraj Yeh Safar Khatm Na Ho Ga

Muslim Bin Aqeel Safeer E Hussain Hai
Hub E Ali Hai Dil Mein Musheer E Hussain Hai
Woh Badshah Aur Yeh Wazeer E Hussain Hai
Aisa Wazeer Hai Ke Faqeer E Hussain Hai
Ta Hashr Sifarat Ka Safar Khatm Na Ho Ga
Thak Jaye Ga Sooraj Yeh Safar Khatm Na Ho Ga
Ya Ali Ya Hussain

Hurr Ko Sakhi Hussain Ne Aali Bana Diya
Aisa Keh Panjatan Ka Sawali Bana Diya
Nad E Ali Ne Is Ko Jalali Bana Diya
Roomal E Fatima Ne Misali Bana Diya
Yeh Dar Hai Ataon Ka Yeh Dar Khatm Na Ho Ga
Thak Jaye Ga Sooraj Yeh Safar Khatm Na Ho Ga

Ae Mere Rab E Jahan Ae Muhammad Ky Khuda
Yeh Tera Ishq Hi Tha Jis Ki Parwaz Juda
Panjatan Se Jo Mila Ishq Ka Tere Safar
Ishq E Haider Mein Mila
Kabhi Mesum Kabhi Miqdad O Abuzar Mein Mila
Kabhi Salman Ke Dil Mein Kabhi Qambar Mein Mila
Aur Maqtal Mein Jo Dekha To Bahattar Mein Mila
Layeq E Ishq Hai Tu Tera Jalwa Har Soo

Ae Mere Rab E Jahan Ae Muhammad Ke Khuda
Ishq Tu Ne Bhi Kiya Woh Muhammad Tera
Jis Ki Chahat K Liye Yeh Jahan Khalq Kiya
Woh Tera Ishq Hi Tha

Ae Mere Rab E Jahan Ae Mere Rab E Jahan
Ek Ajab Ishq Hua Woh Sar E Karbobala
Tera Ashiq Hai Kharha Khoon Mein Dooba Hua
De Chuka Lakht E Jigar De Chuka Noor E Nazar
De Chuka Sara Woh Ghar Aur Khanjar Kr Tale
Us Ka Sajde Mein Hai Sar
Na Namaz Aisi Na Ashiq Ka Kalaija Aisa
Nok E Naiza Pe Bhi Karta Hi Raha Zikr Tera
Ya Ali Ya Hussain

Ek Zulfifqar Khalq Mein Do Hath Se Chali
Dast E Hussain O Panja E Mushkil Kusha Ali
Yeh Mustafa Ki Jan Woh Allah Ka Wali
Dono Ka Martaba Bhi Do Alam Pe Hai Jali
Dono Ka Is Kamal Se Sajda Ada Huwa
Haider Se Ibtida Hui Ya Khatima Huwa
Ya Ali Ya Hussain

Hai Waqt E Asr Marzi E Parwardigar Hai
Angusht E Zuljanah Pe Mola Sawar Hai
Pehloo Mein Khoon Roti Hui Zulfiqar Hai
Hamrah Zuljanah Bhi Bahut Dilfigar Hai
Qurban Zuljanah Pe Aur Zulfiqar Par
Chalte Thy Dono Marzi E Parwardigar Par
Ya Ali Ya Hussain

Jaisi Woh Zulfiqar Thi Wesa Tha Zuljanah
Bachapan Se Sath Sath Hi Rehta Tha Zuljanah
Be Misl O Be Nazeer Tha Aala Tha Zuljanah
Kiun Kar Na Ho Rasool Ne Pala Tha Zuljanah
Pehla Sawar To Nabi E Kirdigaar Hai
Aur Doosra Yeh Dosh E Nabi Ka Sawaar Hai
Ya Ali Ya Hussain

Cheete Ki Jast Shair Ki Chitvan Hiran Ki Aankh
Chalta Tha Dekh Dekh Ke Shah E Zaman Ki Aankh
Parhti Thi Yun Hareef Pe Us Sar Shikan Ki Aankh
Larhti Ho Jaise Jang Mein Shamsheer Zan Ki Aankh
Taigh Aai Jis Pe Us Ka Bhi War Us Pe Chal Gaya
Woh Sar Gira Gai To Yeh Lasha Kuchal Gaya
Ya Ali Ya Hussain

Kehta Tha Zulfiqar Se Ab Meri Jang Dekh
Chal Mere Sath Sath Zara Mera Rang Dekh
Is Pyas Mein Larhai Ka Mera Bhi Dhang Dekh
Rah E Hayaat Kitnon Pe Karta Hun Tang Dekh
Mana Tu Zulfiqar Hai Marhab Shikar Hai
Lekin Yeh Dekh Kon Yeh Mujh Par Sawar Hai
Ya Ali Ya Hussain

Simta Jama Urha Idhar Aya Udhar Gaya
Chamka Phira Charha Dikhaya Thahar Gaya
Teeron Se Urh Ke Barchion Mein Pur Khatar Gaya
Marham Kiya Safon Ko Saron Sy Guzar Gaya
Aaya Jo Zad Mein Is Ki Ajal Aa Gai Ue
Ek Ankh Parhi Jis Pe Zameen Kha Gai Use
Ya Ali Ya Hussain

Allah Re Larhai Mein Shokat Hussain Ki
Thi Taigh O Zuljanah Mein Suraat Hussain Ki
Qudrat Baghaor Dekhti Thi Soorat Hussain Ki
Qehr E Khuda Se Kam Na Thi Haibat Hussain Ki
Bole Ali Hussain Ho Ab Bhi Hawas Mein
Aisi To Jang Hum Na Larhe Bhook O Pyas Mein
Hussain Ya Hussain

Aai Sada E Ghaib Ke Bas Bas Hussain Bas
Dam Le Hawa Mein Jald Nafas Ke Hussain Bas
Garmi Se Hanpta Hai Faras Ae Hussain Bas
Waqt E Namaz E Asr Hai Bas Bas Hussain Bas
Hussain Ya Hussain

Yeh Sunte Thy Hazrat Jo Laga Pusht Pe Bhala
Karroos Pe Tharra Ke Gire Hazrat E Wala
Jibreel Ne Qadmon Se Rakabon Ko Nikala
Aur Hathon Ko Gardan Mein Yadullah Ne Dala
Dekha Jo Zuljanah Ne Ghash Kha Ke Zeen Par
Bas Beth Gaya Taik Ke Ghutnon Ko Zameen Par
Quran Rahl E Zeen Se Sar E Farsh Gir Parha
Deewar E Kaba Waid Gai Arsh Gir Parha
Ya Hussain Ya Hussain

Chillai Fatima Mera Bacha Hai Be Gunah
Ae Arz E Nainawa Mera Bacha Hai Be Gunah
Ae Nehr E Alqama Mera Bacha Hai Be Gunah
Ae Zulfiqar Tu Hi Bacha Le Hussain Ko
Ae Zuljanah Tujh Se Main Lun Gi Hussain Ko
Ya Hussain Ya Hussain

Dooba Lahoo Mein Laot Ke Aaya Hai Zuljanah
Samjhi Sakina Baba Ko Laya Hai Zuljanah
Sar Khak Pe Patakh Ke Pukara Woh Rahwaar
Saidanion Bicharh Gaya Mujh Se Mera Sawar
Jaldi Utar Lo Yeh Tabaruk Yeh Zulfiqar
Are Kat'ta Hai Wahan Gullo E Shehanshah E Namdaar
Zehra Qareeb E Lash E Pisar Khak Uthati Hai
Are Khaimon Mein Jao Lootne Ko Faoj Ati Hai
Ya Hussain Ya Hussain