Zamanay Ayenge Zainab

Hamare Baad Aaise Bhi Zamane Aaein Gay Zainab

Issi Kufay Mein Pathar Tum Ko Mare Jaein Gay Zainab
Hamare Baad Aaise Bhi Zamane Aaein Gay Zainab

Galay Unn Ko Laga Kar Pyar Karna Maa Ki Janib Se
Humein Dafna Ke Jab Hasnain Wapis Aaein Gay Zainab

Tumhari Maa Ko Bhi Darbar Mein Logon Ne Bulwaya
Tumhein Bhi Be Rida Darbar Mein Bulwaein Gay Zainab

Ye Kufa Hai Yahan Ke Logon Ki Nazrein Badalti Hain
Abhi Jo Sheer Laye Hain Woh Pathar Laein Gay Zainab

Ali Ne Ghar Mein Yeh Paigham Bhijwaya Hai Masjid Se
Na Tum Ghar Se Nikalna Warna Hum Mar Jaein Gay Zainab

Sitam Ho Ga Ke Qabrein Bhi Na Hoon Gi Pas Qabron Ke
Madina, Karbala, Kufa Mein Hum Bat Jaein Gay Zainab

Tamachay Qatal e Mohsin Our Woh Darbar Ki Peshi
Yeh Sare Dukh Hum Apni Qabar Mein Le Jaein Gay Zainab

Kaha Hai Hum Ne Kyun Hasnain Ke Hotey Tumhein Zainab
Ye Raaz Hum Hashar Ke Maidan Mein Batlaein Gay Zainab

Na Ghabrana Humein Aawaz Dena Satwein Dar Par
Tumharey Sath Mein Darbar Hum Bhi Jaein Gay Zainab

Takallum Keh Ke Ye Beti Se Rukhsat Ho Gaye Mola
Hum Ab Sham e Ghareebaan Tum Se Milne Aaein Gay Zainab