Abbas Aajao

Abbas Aajao Lyrics in Urdu

مقتل میں پُہنچے جب شاہِ والا
لاشِ جواں اور خیموں کو دیکھا
دریا کو دیکھا پھر یہ پُکارا
اب یہ سلامِ آخر ہے میرا

عباسؑ آ جاؤ بھائی اکیلا ہے

تنہا مسافر کو لاکھوں نے گھیرا ہے
عباسؑ آ جاؤ بھائی اکیلا ہے

تُم نے نہ دیکھی غُربت ہماری
زینب تھی لائی میری سواری
رُخصت کا میری منظر عجب تھا
سینے سے لگ جاؤ بھائی اکیلا ہے

جب سے ہو بچھڑے عباسؑ ہم سے
اہلِ حرم ہیں لپٹے علم سے
کیسے جیئے گی بالی سکینہ
کیا ہو گا بتلاؤ بھائی اکیلا ہے

لشکر کہاں کا جب تم نہیں ہو
اعدا تو خوش ہیں اب تم نہیں ہو
کتنا اکیلا کتنا ہوں تنہا
سینے میں ہے گھاؤ بھائی اکیلا ہے

دن بھر اُٹھائے کتنے جنازے
اب کون ہے جو دے گا دِلاسے
ہوتے اگر تُم دیتے دِلاسہ
آؤ چلے آؤ بھائی اکیلا ہے

مجھ پر برستے یہ سنگ دیکھو
بے کس کی تنہا کی جنگ دیکھو
دیکھو نہ ٹوٹے ناناؐ سے وعدہ
ہمت بڑھا جاؤ بھائی اکیلا ہے

جب شمر خنجر کو پھیرتا تھا
قاتل نے شہہؑ سے خود یہ سُنا تھا
پیاسہ گلا اُس دم یہ پُکارا
صورت دیکھا جاؤ بھائی اکیلا ہے

سر شہہؑ کا آیا نوکِ سناں پر
آئی صدا یہ ریحانؔ و سرور
بے سر پڑا ہے بھائی کا لاشہ
اب تو چلے آؤ بھائی اکیلا ہے