Chala Gaya Abbas Lyrics - Syed Raza Abbas Zaidi

Chala Gaya Abbas Lyrics - Syed Raza Abbas Zaidi

Chala Gaya Abbas Lyrics in Urdu

عَلم جو دَریا سے آتا ہوا دکھائی دیا
سَكینہؑ دَر پہ جو پہنچی تو باپ کو دیکھا
یہ رو كے بچی نے پوچھا کہاں ہیں میرے چچا
عَلم سکینؑہ كے ہاتھوں میں دیکے شہہ نے کہا

علم بڑھا دو سكینہؑ چلا گیا عباسؑ

حُسینؑ ہو گیا تنہا چلا گیا عباسؑ
علم بڑھا دو سكینہؑ چلا گیا عَباسؑ

یقین آتا نہیں تھا كے مَر گیا غازیؑ
میں تھپ تھپاتا رہا اُسکے گال اے بیٹی
مگر حُسینؑ کی اُس وقت آس ٹوٹ گئی
جب آکے ماں نے بتایا چلا گیا عَباسؑ

سَكینہؑ پانی سے کس کی نظر اُتاروگی
تم عمو جان کِسے کہہ كے اَب پُکارو گی
وہ یاد آئے گا جب شام تم سدھاروگی
نہیں ملے گا دوبارہ چلا گیا عَباسؑ

پہنچ كے نہر پہ مشکیزہ جب بھرا اُس نے
سَكینہؑ یاد تیری پیاس کو رکھا اس نے
تھا اُسکے سامنے پانی نہیں پیا اُس نے
تُمہاری طرح سے پیاسہ چلا گیا عَباسؑ

کسی نے گُرز جو مارا تو وہ سنبھل نا سکا
کٹے تھے ہاتھ سہارا وہ کس طرح لیتا
زمیں پہ ایسے گِرا زخمی ہو گیا چہرہ
دوبارہ اُٹھ نہیں پایا چلا گیا عَباسؑ

جوان بھائی کا مر جانا سخت منزل ہے
میں کیسے زندہ ہوں یہ جانتا میرا دِل ہے
مگر سَكینہؑ یہ اِک کام سب سے مشکل ہے
میری پھوپھی کو بتانا چلا گیا عَباسؑ

لگا ہے ہاتھ پہ جو خون یہ اُسی کا ہے
تھا اُسکی آنکھ میں جو تیر میں نے کھینچا ہے
وہ جانتا تھا میرے دِل میں کیا تمنا ہے
پُکار کر مجھے بھئیا چلا گیا عَباسؑ

زمین پہ گرنے سے دندان اُسکے زخمی تھے
کَٹے تھے ہونٹ بدن چور چور زخموں سے
تم ایسے حَال میں غازیؑ کو دیکھتی کیسے
تبھی تو گھر نہیں آیا چلا گیا عَباسؑ

گھڑی وہ آئی تھی ذیشانؔ اور رضا کیسی
کہا یہ خیموں میں جب شاہ نے مر گیا غازیؑ
گِریں زمین پہ غش کھاکے بیبیاں ساری
کوئی بھی سُن نہیں پایا چلا گیا عَباسؑ