Dariya Hai Abbas Ka

Dariya Hai Abbas Ka Lyrics

Hat Jao Shamiyo
Hat Jao Kufiyo
Main Ibn e Murtaza Hoon
Mera Naam Hai Abbas

Sahil Pe Aamad e Khalf e Abu Turab Hai
Dehshat Se Mauj Mauj Ka Dil Aab Aab Hai
Kis Qehar Ka Jalal Ghazab Ka Itab Hai
Geeti Ko Zalzala Hai Ke Mati Kharab Hai
Rooh ul Ameen Ko Khof Se Waswaas Aate Hain
Waswaas Kyun Na Aaein Ke Abbas Aate Hain

Ye Darya Hai Abbas Ka

Khud Pani Sadaein Deta Hai
Har Qatra Hai Abbas Ka
Ye Darya Hai Abbas Ka

Bhatke Na Koi Ab Sahil Par
Ye Sara Ilaqa Hai Mera
Ae Ghasib e Haq e Zahra Suno
Ye Pani Mehar Hai Zahra Ka
Main Teesra Beta Hoon Unn Ka
Ye Wirsa Hai Abbas Ka

Ae Shamiyon Tum Mein Hai Hi Nahi
Abbas Se Larne Ki Himmat
Iss Darya Mein Hi Doob Maro
Baqi Hai Agar Thori Ghairat
Atharah Lakh Nigahon Mein
Kyun Khatrah Hai Abbas Ka

Nara Kiya Wo Rokne Wale Kahan Gaye
Taighein Wo Kis Taraf Hain Wo Bhale Kahan Gaye
Le Kar Khat e Shikast Risale Kahan Gaye
Shimar o Umar Ki Gaud Ke Pale Kahan Gaye
Zindah Abhi Hai Ya Pisar e Sad Mar Gaya
Khali Pada Hai Dasht Ye Kholi Kidhar Gaya

Sheh Han To Kahin Main Hakim Ko
Oss Ke Hi Mehal Mein Maron Ga
Ae Shamiyon Sham Se Pehle Main
Iss Sham Pe Qabza Kar Loon Ga
Ye Baat Nahi Afsano Ki Ye Dawa Hai Abbas Ka

Abbas Itaat Mein Har Dam
Paband Hai Apne Aaqa Ka
Pehle Jo Hata Tha Darya Se
Wo Hukam Tha Mere Aaqa Ka
Ab Hatna Pade Ga Tum Sab Ko
Ye Rasta Hai Abbas Ka

Oh Shimar Apni Foaj Ka Andhair Dekh Le
Ik Dam Mein Bismilon Ke Hoye Dhair Dekh Le
Bhage Hain Jis Se Shair Wo Shamshair Dekh Le
Oh Be Khabar Tarai Pe Hai Shair Dekh Le
Larte Hain Youn Hizbar Jo Aate Hain Baat Par
Ab Hashar Tak Hai Shair Ka Qabza Furat Par

Talwar Tu Bahir Aane Do
Tum Sab Ki Main Jurat Dekhon Ga
Haan Kis Ka Hai Darya Sahil Par
Jis Dam Main Aa Kar Puchhon Ga
Khud Thori Dair Mein Bolo Ge
Abbas Ka Hai Abbas Ka

Main Khul Ke Agar Hamla Kar Doon
Ho Khon Ka Darya Darya Mein
Main Taigh Yahan Par Khenchon Ga
Our Shoor Uthay Ga Kufa Mein
Muslim Se Kahin Ge Baba Bhi
Ye Hamla Hai Abbas Ka

Naqe Se Giraya Hai Khud Ko
Ye Keh Ke Ali Ki Beti Ne
Kulsoom Se Boli Lagta Hai
Abbas Khara Hai Pehle Se
Ye Khushboo Hai Chote Bhai Ki
Ye Saya Hai Abbas Ka

Sajjad Kaha Oss Ne Ro Kar
Ae Jan Meri Qasim Utho
Shehzade Abhi Tak Pyase Ho
Ammo Ki Qasam Pani Pe Lo
Serab Ho Jee Bhar Ke Beta
Ab Qabza Hai Abbas Ka