Abbas Hai Na Lyrics - Farhan Ali Waris

Abbas Hai Na Lyrics in Urdu

سب کی رداؤں کا نگہدار پے
غازیؑ میرا ایسا وفادار ہے
چھین نہیں سکتا کوئی چادریں
جب تلک عبّاسؑ علمدار ہے

یہ کہہ کے بہنوں کو زینبؑ کا تسلّی دینا
عبّاسؑ یے نا

ہر ایک بہن کو بھائی پہ مان ہوتا ہے
جہاں میں بھائی تو بہنوں کی جان ہوتا ہے
غموں کی دھوپ میں وہ سائبان ہوتا ہے
بس اس یقین سے خیموں میں مطمئن رہنا

حرم کی آس بندھاتی رہو میری خواہر
بتاؤ اِن کو بھروسہ کتنا غازیؑ پر
رہیں وہ بازو سلامت دُعا کرو مل کر
نظر اٹھا کے درِ خیمہ پر تو دیکھو نا

اِسی کے ساتھ عماری میں آئیں تھیں گھر سے
بہت مجھے بھی ہے ڈھارس اِسی برادر سے
نہ ہونے دیگا وہ محروم ہم کو چادر سے
بڑھیں جو رنج کے سائے تو بس یہی کہنا

دکھائی دے تمہیں جس دم یزید کا لشکر
دکھائیں وہ تمیں تلوار و نیزہ و خنجر
چمکتے نیزوں پہ پڑ جائے گر تمہاری نظر
تم اپنے دل میں جگہ خوف کو نہیں دینا

کہا یہ غازیؑ نے کلثوم سے میری خواہر
فدا حُسینؑ پہ ہر ماں کرے گی اپنے پسر
جو تیرے بیٹے نہیں ہیں تو کوئی غم نہ کر
تیری طرف سے فدا شہہؑ پہ ہونے کو بہنا

پھوپھی یہ بولی سکینہ سے اے میری بچی
چچاؑ سے کہدو وہ لے آئیں گے ابھی پانی
یہ مشک کیا ہے وہ دریا اُٹھا کے لا دے ابھی
بس اپنی آنکھ میں آنسو نہیں آنے دینا

بیان کیسے وہ منظر ہو دونوں جانب کا
اُدھر ترائی پہ غازیؑ کا مشک کو بھرنا
کٹے جو بازو چھدی مشک سارا پانی بہا
اِدھر سکینہ کا پیاسوں کو دلاسہ دینا

تیرے حشم پہ ہیں قُربان مظہرؔ و فرحان
علم گھروں پہ لگاتا ہے آج سارا جہاں
ہے تو ہی اب بھی غریبوں کا بے کسوں کا مان
علم کو دیکھ کے ہر وقت بس یہی کہنا

Abbas Hai Na Lyrics - Farhan Ali Waris