Mir Sajjad Mir
Mir Sajjad Mir
Lash Akbar Ki Jo Maqtal Se Utha Laye Hussain
Nojawan Ko Saf E Awwal Se Utha Laye Hussain
Chand Ko Sham Ke Badal Se Utha Laye Hussain
Jaan Balab Shair Ko Jangal Se Utha Laye Hussain
Di Sada Lash E Pisar Aan Ke Le Jaa Bano
Chid Gaya Barchi Se Akbar Ka Kalaija Bano
Laa Ke Khaimay Mein Jo Mayyat Ali Akbar Ki Rakhi
Ankhen Kholiin To Har Ik Bibi Ki Awaz Suni
Bhai Ne Yad Ki Hamsheer Madinay Wali
Boly Ay Kash Yahan Par Meri Sughra Hoti
Hichki Aai To Kaha Yaad Kiya Khuwahar Ne
Phir Wasiyat Mein Kaha Maan Say Ali Akbar Ne
Bole Akbar Jo Watan Laot Ke Jana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Mery Qadmon Ke Nishanon Pe Rakhay Ho Gi Wo Sar
Us Se Kehna Nahi Aaye Ga Kabhi Ab Akbar
Ghar Ki Dehleez Se Tum Us Ko Uthana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Marne Se Pehly Galay Mil Liya Akbar Sab Se
Kaash Ik Baar Mein Seenay Se Laga Leta Usay
Meri Jaanib Se Usay Seenay Lagana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Poochy Asghar Ka To Keh Dena Humakta Tha Bhut
Naam Lete Thy Tumhara To Woh Hansta Tha Bahut
Ghutnion Chalnay Laga Tha Woh Batana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Is Rida Say Usy Aa Jaye Gi Khushboo Meri
Yeh Mera Khoon Hai Suntay Hi Woh Mar Jaye Gi
Meri Sughra Say Rida Apni Chupana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Gar Woh Poochay Keh Mery Bhai Ko Kaisay Maara
Kehna Bas Ho Gaya Allah Ko Pyara Sughra
Mujh Ko Mari Thi Sinaan Yeh Na Batana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Us Sy Kehna Keh Woh Naraz Na Ho Ammu Say
Woh To Khud Naam Mitatay Huye Us Ka Roye
Chahtay Thy Woh Usy Sath Mein Lana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Woh Hai Beemar Na Kar Paye Gi Meelon Ka Sahar
Bas Waheen Beth Ky Ro Lay Woh Mujhy Shaam O Safar
Ek Nisahn Qabar Ka Aangan Mein Banana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Khat E Sughra Meri Mayyat Py Sunana Aisay
Jaisay Talqeen Parha Karty Hain Bilkul Waisay
Dono Hathon Say Mera Shana Hilana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
Mir Sajjad Yeh Tha Akhri Akbar Ka Bayan
Jab Madinay Mein Tumhen Aye Gi Awaz E Azan
Chup Ky Sughra Say Kahin Aansoo Bahana Amman
Meri Roothi Hui Sughra Ko Manana Amman
Bole Akbar Jo Watan Laot Ke Jana Amman
