Mir Hasan Mir
Mir Takallum
Shiddat e Sabar Se Mar Jaye Na Maa Akbar Ki
Din Madine Mein Woh Taqdeer Ne Dikhlaya Hai
Jis Ne Mari Thi Kaleje Mein Sina Akbar Ke
Ban Ke Mehman Woh Sajjad Ke Ghar Aaya Hai
Ghar Main Aya Hai Qatil e Akbar
Um e Laila Ko Ho Gayi Hai Khabar
Sheh Tarapte Hain Qabar Ke Andar
Maa Tarapti Hai Qabar Se Bahir
Ghar Main Aya Hai Qatil e Akbar
Um e Laila Ko Ho Gayi Hai Khabar
Phir Wohi Kaifiyat Hai Laila Ki
Haal Tha Jo Jawaan Ke Lashe Par
Oss Ke Qadmo Ki Aahatein Sun Kar
Maa Ne Thama Howa Hai Apna Jigar
Ghar Main Aya Hai Qatil e Akbar
Um e Laila Ko Ho Gayi Hai Khabar
Chehra Karbobala Ki Janib Hai
Pani Hathoon Mein Le Ke Roti Hai
Phir Raha Hai Nigah Mein Maa Ki
Ali Akbar Ki Maut Ka Manzar
Ghar Main Aya Hai Qatil e Akbar
Um e Laila Ko Ho Gayi Hai Khabar
Um e Laila Sanbhal Zainab Ko
Kal Yeh Shabeer De Rahe Thy Sada
Aaj Abid Phophi Se Kehte Hain
Maa Ko Meri Sanbhaliye Ja Kar
Ghar Main Aya Hai Qatil e Akbar
Um e Laila Ko Ho Gayi Hai Khabar
Qabar e Zahra Se Aa Rahi Hai Sada
Iss Ne Mara Hai Mere Baba Ko
Phir Madine Mein Ik Qayamat Hai
Hil Raha Hai Mazar e Paygamber
Ghar Main Aya Hai Qatil e Akbar
Um e Laila Ko Ho Gayi Hai Khabar
Ali Akbar Lipat Ke Qadmo Se
Keh Rahe Hoon Ge Apne Baba Se
Toot Jaye Na Zabt Ka Bandhan
Hosla Maa Ko Dijiye Ja Kar
Ghar Main Aya Hai Qatil e Akbar
Um e Laila Ko Ho Gayi Hai Khabar
Sar e Akbar Utha Ke Naize Par
Um e Laila Ko Ye Dikhata Tha
Oss Ko Kaise Woh Bhool Sakti Hai
Jis Se Khaye Thy Sham Mein Pathar
Ghar Main Aya Hai Qatil e Akbar
Um e Laila Ko Ho Gayi Hai Khabar
Ye Kareemi Se Ruk Nahi Sakte
Qatilon Ko Duaein Detey Hain
Iss Se Pehle Ke Bakhsh Dein Abid
Koi Mukhtar Se Kahe Ja Kar
Ghar Main Aya Hai Qatil e Akbar
Um e Laila Ko Ho Gayi Hai Khabar
Tum Ne Sajjad Mujh Ko Pehchana
Sun Ke Qatil Se Bolay Yeh Maula
Tu Woh Ibn e Numayr Hi Hai Na
Jis Ne Tukray Kiya Hamara Jigar
Kal Thy Mehman Hum Tere Zalim
Aaj Mehman Tu Hamara Hai
Our Kuch Chahiye Bata Tujh Ko
Abhi Keh Doon Phophi Se Main Ja Kar
Ghar Main Aya Hai Qatil e Akbar
Um e Laila Ko Ho Gayi Hai Khabar
Dil Nahi Lagta Aaj Ghar Mein Mera
Aye Takallum Yeh Maa Ka Noha Tha
Tham Kar Koi Mere Bazu Ko
Le Chale Fatima Ki Turbat Par
