Betay Ky Qatilon Sy Lyrics - Mir Hasan Mir

This website is for sale — Interested? Learn more →

Betay Ky Qatilon Sy Lyrics - Mir Hasan Mir

Betay Ky Qatilon Sy Lyrics in Urdu

بیٹے کے قاتلوں سے اِک باپ پوچھتا ہے
کوئی مجھے بتا دے لاشہ کہاں پڑا ہے
اکبرؑ میرا کہاں ہے

دِل پر میری بہن کے خنجر چلا دیا ہے
کس نے ہمارے گھر کا سورج بُجھا دیا ہے
دِن مِیں اندھیرا میری آنکھوں مِیں ہو گیا ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

پیاسے کو بے وطن کو اِتنا تو مت ستاؤ
چل چل کے تھک گیا ہوں لوگو مجھے بتاؤ
اب اور کتنا باقی مقتل کا فاصلہ ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

غازیؑ کو تم نے مارا مَیں چُپ رہا نہ بولا
اکبرؑ کو مارا نیزہ مَیں چُپ رہا نہ بولا
تم سے سوال کر لوں اِتنا تو حق میرا ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

ماں کو بغیر دیکھے بیٹا گُزر نہ جائے
پہنچا دو مجھ کو جلدی مظلوم مر نہ جائے
آواز آ رہی ہے وہ ہچکی لے رہا ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

خیمے سے جب چلا تھا کہتی تھی میری بہنا
پامال ہو نہ جائے اکبرؑ کی لاش بھیا
کانوں مِیں میرے اب تک باقی وہی صدا ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

دِل بیٹھا جا رہا ہے رُکتے نہیں ہیں آنسو
جنگل سے آ رہی ہے اُس کے لہو کی خوشبو
کچھ سانسیں چل رہی ہیں یا شیر چل بسا ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

اولادِ مصطفیؐ سے کس طرح پھر گئے ہو
کڑیل جواں کا مرنا آساں سمجھ رہے ہو
تم لوگ ہنس رہے ہو دِل میرا رو رہا ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

اہلِ حرم کی اکبرؑ اُمید آخری ہے
کہتی ہے یہ ضعیفی میرا عصا یہی ہے
اب دو قدم بھی چلنا دُشوار ہو گیا ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے

غربت ہے اور تکلمؔ ابنِ شاہِ نجف ہے
کوئی بولا اِس طرف ہے کوئی بولا اُس طرف ہے
آخر پُکارے مولاؑ غازیؑ تمہیں پتہ ہے
اکبرؑ میرا کہاں ہے
بیٹے کے قاتلوں سے اِک باپ پوچھتا ہے