Haye Haye Ali Akbar

Kehti Thi Ye Maa Khon Bhari Maiyyat Se Lipatt Kar
Haye Haye Ali Akbar Haye Haye Ali Akbar

Arman Tha Pehnaon Gi Poshaak Shahani
Afsoos Ke Raas Aai Na Tujh Ko Ye Jawani
Kaisa Tha Muqadar Haye Haye Ali Akbar

Itna Tu Zara Thehro Tumhein Dulha Bana Lon
Phir Aik Jhalak Sehre Ki Sughra Ko Dikha Lon
Be Chain Hai Khwahar Haye Haye Ali Akbar

Maa Teri Judai Mein Bhala Kaise Jiye Gi
Mar Jaye Gi Sughra Jo Khabar Teri Sune Gi
Ab Kya Karon Jee Kar Haye Haye Ali Akbar

Atharah Baras Paal Ke Parwan Charhaya
Woh Gaysoon Wala Hai Mera Khon Mein Nahaya
Ab Kya Karon Jee Kar Haye Haye Ali Akbar

Kerti Thi Zayarat Main Payambar Ki Tujhi Sa
Ab Ghar Main Kisse Dongi Main Tashbih Nabi Sa
Ham Shakal E Payambar Haye Haye Ali Akbar

Tum Hichkiyan Le Le Ke Jo Dam Tod Rahe Ho
Munh Maa Se Hamesha Ke Liye Mod Rahe Ho
Kyun Rote Ho Dilbar Haye Haye Ali Akbar

Aaye Jo Hamein Luttne Khaime Mein Sitamgar
Maa De Gi Sada Haye Ali Akbar Ali Akbar
Chhin Jaye Gi Chadar Haye Haye Ali Akbar

Pehle To Ik Aawaz Pe Uth Jate The Beta
Ab Itni Sadaon Pe Bhi Pehlu Nahi Badla
Kya Ho Gaya Dilbar Haye Haye Ali Akbar

Jab Koi Jawaan Lash Nazar Aati Hai Mehshar
Ik Yaad Soo e Karbobala Jati Hai Mehshar
Dil Rota Hai Keh Kar Haye Haye Ali Akbar