Irfan Haider
Raza Shah
Haye Ali Akbar
Ik Shor Hai
Ik Taraf Zaeefi Hai
Ik Taraf Jawani Hai
Ik Bap Ne Bete Ki Ab Laash Uthani Hai
Maula Maula
Zakhmi Hai Buhat Akbar Maula Maula
Zakhmi Hai Bahut Gaiso’on Wala Na Uthe Ga
Tanha Ali Akbar Ka Janaza Na Uthe Ga
Abbas Ko Dariya Sy Bula Lijiye Maula
Zakhmi Hai Buhat Akbar Maula Maula
Akbar Ke Kalaije Mein Sinaan Toot Gai Hai
Ya Shah E Zamaan Aap Se Bas Arz Yehi Hai
Seene Se Nigahon Ko Hata Lijiye Maula
Zakhmi Hai Buhat Akbar Maula Maula
Ghar Mein To Jawan Lash Ko Le Jana Parhy Ga
Ik Aur Ali Aap Ki Imdad Kary Ga
Sajjad Jo Ghash Mein Hai Jaga Lijiye Maula
Zakhmi Hai Buhat Akbar Maula Maula
Sar Peet’ti Khaime Se Nikal Ayen Gi Woh Bhi
Marta Ise Dekhen Gi To Mar Jayen Gi Woh Bhi
Is Zakhm Ko Zainab Se Chupa Lijiye Maula
Zakhmi Hai Buhat Akbar Maula Maula
Wazni Hai Yeh Lasha Dar E Khaibar Se Zyada
Quwat Yahan Darkar Hai Haider Se Zyada
Ya Zahra Kahen Aur Utha Lijiye Maula
Zakhmi Hai Buhat Akbar Maula Maula
Beta Yeh Haseen Ap Ka Zehra Ka Gull E Tar
Hota Hai Juda Aap Se Ham Shakal E Payambar
Ik Bar Kalaije Se Laga Lijiye Maula
Zakhmi Hai Buhat Akbar Maula Maula
Irfan O Raza Hai Yehi Is Dill Ki Tamanna
Mimbar Pe Haram Ke Parhe Akbar Ka Yeh Noha
Roze Pe Hamen Phir Se Bula Lijiye Maula
Zakhmi Hai Buhat Akbar Maula Maula
