Maa Bulati Hai

Na Gah Shor Utha Keh Zehra Guzar Gaiin
Ammma Sar Sy Phaink Ky Roye Imam E Deen
Roti Thiin Mil Ky Zainab O Kulsoom Bhi Qareen
Aur Door Thy Hussain

Fizza Pukari Aap Yahan Kya Na Ayen Gy
Boly Hussain

Tooty Bandy Kafan Fatima Ky Aur Phir Hath Nikly Kafan Sy
Aai Awaz Aa Ay Hussain
Maa Bulati Hai Aa Ay Hussain

Maa Bulati Hai Aa Ay Hussain
Aa Mery Pas Aa Ay Hussain

Aye Shabbir Zehra Ky Labb Yun Hily
Chakkian Pees Ky Mainy Pala Tujhy
Aa Mery Laal Aa Maan Ky Lag Ja Galy
Waqt E Rukhsat Hai Aisy Nahi Roothty
Maa Bulati Hai...

Teri Khatir Main Ja Kar Palat Aai Hun
Dekh Kar Tery Aanso Main Ghabrai Hun
Dekh Zair E Kafan Gham Sy Tharrai Hun
Tujh Ko Behlany Jannat Sy Main Aai Hun
Maa Bulati Hai...

Aa Mery Laal Aa Aik Yeh Kaam Kar
Mery Seeny Py Kuch Dair Aram Kar
Tu To Chalta Tha Ungli Meri Tham Kar
Yad Woh Subho Kar Yad Woh Sham Kar
Maa Bulati Hai...

Tu Ny Khana Bhi Khaya Keh Khaya Nahi
Keh Dy Maan Sy Keh Tu Aj Pyasa Nahi
Subho Sy Munh Kisi Ny Dhulaya Nahi
So Gai Main Tujhy Kiun Sulaya Nahi
Maa Bulati Hai...

Dast E Zainab Mein Phir Dy Ky Dast E Hussain
Boli Zehra Kafan Mein Basad Shor O Shain
Dekh Zainab Meri Ladli Noor E Ain
Yeh Jo Roya To Zehra Na Paye Gi Chain
Maa Bulati Hai...

Jaiyo Sath Is Ky Yeh Jaye Jidhar
Mery Bachy Ki Zainab Hai Tu Hamsafar
Karbala Ka Musafir Hai Mera Pisar
Gham Ki Badli Na Chaye Mery Chand Par
Maa Bulati Hai...

Haye Karbobala Mein Woh Din Aa Gaya
Shimr Ka Halq E Sarwar Py Khanjar Chala
Amman Amma Ki Any Lagi Jab Sada
Ball Bikhra Ky Zehra Ny Ro Kar Kaha
Maa Bulati Hai...

Kaisy Rehan O Sarwar Sar E Karbala
Apny Bachy Ki Gardan Py Taigh E Jafa
Dekhti Hon Gi Zehra Sar E Karbala
Goonjti Ho Gi Dasht E Bala Mein Sada
Maa Bulati Hai...