Syed Raza Abbas Zaidi
Zeeshan Abidi
Waqt e Rukhsat Hai Ye Fatima Ka
Ho Chuki Hai Namaz e Janaza
Bache Maiyyat Se Lipte Hoye Hain
Aakhri Hai Ye Didar Maa Ka
Nahi Hai Koi Ab Apna
Ali Ko Chhod Kar Tanha
Ali Ke Ghar Ki Ronaq Ja Rahi Hai
Janaza Uth Raha Hai Fatima Ka
Haye Janaza Uth Raha Hai
Ali Ke Ghar Ki Ronaq Ja Rahi Hai
Bohat Zakhmi Thi Khud Lekin Ali Ke Zakhm Bharti Thi
Utha Kar Hath Pehlu Se Woh Aanso Saaf Karti Thi
Ab Aanso Kon Ponchhe Ga Bohat Yaad Aaye Gi Zahra
Bulaya Tha Jise Maa Ne Kafan Se Hath Phaila Ke
Ossay Lipta Huwa Dekha To Fizza Ne Kaha Aa Ke
Janaze Se Hussain Uth Ja Kafan Ab Chhod De Maa Ka
Kafan Jab Bhi Hatata Hai Tamacha Yaad Aata Hai
Woh Zakhmi Maa Ka Chehra Chum Ke Aansu Bahata Hai
Hasan Ko Gham Hai Chehre Par Tamache Ka Nishaan Le Kar
Sirhane Baith Kar Zainab Ne Maa Ka Hath Jab Chuma
Ali Kehne Lage Dekha Nishaan Jab Taziyane Ka
Chhupa Do Sani e Zahra Yeh Zakhmi Hath Zahra Ka
Na Ab Lori Sunaye Gi Na Woh Jhola Jholaye Gi
Hussain Ab Fatima Kaise Tumhein Pani Pilaye Gi
Wasiyat Kar Gayin Zahra Tumhein Pale Gi Ab Fizza
Madine Walon Ab Apne Gharon Mein Chain Se Sona
Sataye Ga Na Ab Tum Ko Nabi Ki Beti Ka Rona
Gira Tha Jis Pe Jalta Dar Woh Tooti Pasliyaan Le Kar
Chhuda Kar Maa Se Bachoon Ko Ali Ne Jab Kafan Bandha
Tarap Kar Haye Zeeshan o Raza Kehne Lage Mola
Hai Taza Zakhm Pehlu Ka Zara Aahista Do Kandah
Ali Ke Ghar Ki Ronaq Ja Rahi Hai
Janaza Uth Raha Hai Fatima Ka
Haye Janaza Uth Raha Hai
Ali Ke Ghar Ki Ronaq Ja Rahi Hai
