Mir Hasan Mir
Mir Takallum
Haye Tha Chehra Zakhmi Shikasta Pehlu
Ajab Qayamat Ki Woh Ghadi Thi
Nabi Ki Beti Dam e Wasiyat
Ali Se Jab Ro Ke Keh Rahi Thi
Khuda Nighedaar Ya Ali
Khuda Nighebaan Ya Ali
Aye Mere Mola Chhod Ke Tanha
Jati Hai Ab Dukhtar e Nabi
Khuda Nighebaan Ya Ali
Gham Tumhara Syeda Ke Sath Jaye Ga
Qabar Mein Tumhara Gham Mujhe Rulaye Ga
Pursa Dene Bhi Tumhein Koi Na Aaye Ga
Shehar e Madina Ghut Ke Hai Jeena
Haye Ali Bekasi Teri
Aik Woh Din Tha Main Dulhan Ban Ke Aayi Thi
Aap Ke Ghar Ne Meri Izzat Badhai Thi
Mil Ke Mere Sath Yeh Basti Basai Thi
Sham Se Pehle Aap Ke Ghar Se
Fatima Khuda Ke Ghar Chali
Dushman e Abu Turab Hain Yahan Tamam
Tum Pe Aanch Aaye Gi Phir Bhi Na Aye Imam
Fatima Ne Kar Diya Hai Aaisa Intezam
Haye Chand Se Bete Sadqe Tumhare
Ab Yehi Hai Jholi Mein Meri
Baba Aaye The Abhi Dobarah Aayen Ge
Keh Rahe The Kalma Go Na Ab Sataten Ge
Fatima Tumhein Hum Aaj Le Ke Jayen Ge
Wadah Kiya Tha Baba Ne Jis Ka
Aa Gayi Hai Ab Wohi Ghadi
Yaas Se Hain Dekhte Mujhe Woh Bar Bar
Kar Liya Hussain Our Hasan Ko Main Ne Pyar
Maut Kar Rahi Hai Fatima Ka Intezar
Maa Ko Tarapte Dekhein Na Bache
Sansyen Chal Rahi Hain Aakhri
Ummat e Nabi Ne Mera Haal Yeh Kiya
Jalta Dar Batool Par Gira Diya Gaya
Taziyana Bhi Laga Hai Hath Bhi Utha
Pehlu Shikasta Bazu Shikasta
Fatima To Zakhm Ban Gayi
Zakhm Dekh Kar Mere Abhi Se Hain Nidhal
Maa Ke Gham Mein Ho Gaya Hai Unn Ka Ghair Haal
Baad Mere Betiyon Ka Rakhna Tum Khiyal
Zainab o Kulsoom Hain Abhi Masoom
Rah e Sham Door Hai Abhi
Fatima Pe Ho Gayi Sitam Ki Inteha
Haye Aap Se Chupayi Haye Main Ne Har Jafa
Haye Ghurbaton Ka Hai Meri Gawah Mujtaba
Arre Kaise Bataon Kaise Sunaon
Fatima Kahan Kahan Girin
Dukhtar e Nabi Ko Qabar Mein Utar Kar
Roye Murtaza Ali Takallum Iss Qadar
Ho Gayin Tamam Qabar Aansoon Se Tar
Haye Uth Ke Qabar Se Jab Ali Chale
Thi Yehi Sada Batool Ki
Khuda Nighedaar Ya Ali
Khuda Nighebaan Ya Ali
