Aa Mere Pyare Hussain

Aa Mere Pyare Hussain
Aa Mere Pyare Hussain

Kis Ne Mere Jigar P Yeh Khanjar Chal Diya
Kis Ne Mere Hussain Ko Pani Nahi Diya
Khud Chal Ke Kiun Na Aa Gaya Dariya Ko Kya Hua
Ik Bar Maan Pukaar Ke Goudi Mein Lait Ja

Aa Mere Pyare Hussain
Aa Mere Pyare Hussain

Seh Roz Ki Ye Pyas Ye Jalti Hui Zameen
Chehra Lahu Lahu Tera Do Neem Hai Jabeen
Mazloom Mere Laal Ke Jaisa Koi Nahi
Teeron Se Mere Laal Ka Seena Bhara Hua

Aa Mere Pyare Hussain
Aa Mere Pyare Hussain

Pehle To Baba Jan Ko Roi Main Zaar Zaar
Roi Ali Ko Qabr Me Dil Ho Gaya Figaar
Ik Laal Tha Hasan Mera Us Ki Hun Soagwar
Ab Tere Gham Ne Qabr Mein Rehne Nahi Diya

Aa Mere Pyare Hussain
Aa Mere Pyare Hussain

Aata Hai Yad Mujh Ko Madine Mein Apna Ghar
Chakki Main Peesti Thi Magar Tum Pe Thi Nazar
Tum Ko Sulaya Karti Thi Raton Ko Jaag Kar
Ab Main Jagane Aai Hun Ae Laal Jaag Ja

Aa Mere Pyare Hussain
Aa Mere Pyare Hussain

Ik Bar Maan Pukar Le Bilkul Usi Tarah
Jhoole Mein Jhoolte Huye Kehte The Jis Tarah
Woh Bachpana Tera Mujhe Bhoole Ga Kis Tarah
Mere Baghair Chain Se Ik Pal Nahi Raha

Aa Mere Pyare Hussain
Aa Mere Pyare Hussain

Maan Hun Mujhe Bata Tere Seene Pe Kya Hua
Kiun Hai Kamar Jhuki Hui Chehra Lahu Bhara
Abbas Hai Kahan Ali Akbar Kahan Gaya
Han Thak Gaya Hai Aa Meri Goudi Mein Laal Aa

Aa Mere Pyare Hussain
Aa Mere Pyare Hussain

Fart e Alam Se Seena E Sarwar Figaar Hai
Rehan Ye Qalam Bhi Bahut Ashk Baar Hai
Kaisi Lahu Lahu Bhari Maan Ki Pukaar Hai
Tukde Jigar Ke Karti Hai Zehra Ki Ye Sada

Aa Mere Pyare Hussain
Aa Mere Pyare Hussain

Aa Mere Pyare Hussain
Aa Mere Pyare Hussain

Aa Mere Pyare Hussain
Aa Mere Pyare Hussain