Aa Ae Mere Hussain Lyrics - Nadeem Sarwar

This website is for sale — Interested? Learn more →

Aa Ae Mere Hussain Lyrics - Nadeem Sarwar

Aa Ae Mere Hussain Lyrics in Urdu

عاشور کا سورج ہے قیامت کی گھڑی ہے
بھائی کا گلہ کٹتا بہن دیکھ رہی ہے
مقتل میں کسی ماں کی صدا گونج رہی ہے

آ اے میرے حُسینؑ میری گود میں آجا
آجا میرے بچے میری آغوش میں آجا

میرے لیئے اے لال تو اصغر کی طرح ہے
گودی میری گہوارہ ہے بستر کی طرح ہے
اِس دُھوپ میں دامن میرا چادر کی طرح ہے

آ اے میرے حُسینؑ میری گود میں آجا
آجا میرے بچے میری آغوش میں آجا

میں ماں ہوں میرا دل نہیں سینے میں سنبھلتا
نازک یہ بدن تیرا یہ جلتا ہوا صحرا
اور اُس پہ ستم یہ ہے کہ تُو رہ گیا پیاسہ

آ اے میرے حُسینؑ میری گود میں آجا
آجا میرے بچے میری آغوش میں آجا

میں گود میں لے لوں تُجھے سینے سے لگالوں
سینے پہ سکینہؑ کی طرح تجھ کو سلالوں
سینے کے تیرے تیر میں پلکوں سے نکالوں

آ اے میرے حُسینؑ میری گود میں آجا
آجا میرے بچے میری آغوش میں آجا

آکر میرے زانو پہ جو سوجاتے تھے بیٹا
چکی کی مشقت پہ بھی پہلو نہیں بدلا
اب کیسے تجھے چھوڑدوں مقتل میں اکیلا

آ اے میرے حُسینؑ میری گود میں آجا
آجا میرے بچے میری آغوش میں آجا

تیری بھی تو اولاد ہے تُوبھی تو پدر ہے
اولادکا غم کیا ہے یہ تجھ کو بھی خبر ہے
غم بچے کا سہہ جائے یہ کس ماں کا جگر ہے

آ اے میرے حُسینؑ میری گود میں آجا
آجا میرے بچے میری آغوش میں آجا

تُولیٹ گیا تھک کے تو اس جلتی زمیں پر
یہ کس کا لہو تُو نے ملا روئے حسیں پر
مت خاک پہ سو لال تیری ماں ہے یہیں پر

آ اے میرے حُسینؑ میری گود میں آجا
آجا میرے بچے میری آغوش میں آجا

جو دل پہ تیرے گُزری میں سب دیکھ رہی تھی
ہر لاش اُٹھانے میں تیرے ساتھ گئی تھی
اب بات وہ کہتی ہوں جو بچپن میں کہی تھی

آ اے میرے حُسینؑ میری گود میں آجا
آجا میرے بچے میری آغوش میں آجا

نوحے میں بیاں کیسے کریںسرور و ریحانؔ
پڑھ سکتا نہیں کوئی بھی یہ درد کا قرآن
ماں کہتی تھی رہ جائے نہ دل میں میرے ارمان

آ اے میرے حُسینؑ میری گود میں آجا
آجا میرے بچے میری آغوش میں آجا