Jaag Sheeren Jaag Ja

Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka

Mere Bache Ko Sitam Garon Ne Tarhpaya Hai
Dasht Mein Ghair Liya Pani Ko Tarsaya Hai
Haye Is Zulm O Masayeb Mein Usy Yaad Raha
Apna Wada Woh Nibhany Ke Liye Aya Hai
Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka

Kya Khabar Tujh Ko Mere Ghar Ko Ujarha Haye Haye
Kis Tarha Se Mere Shabbir Ko Maara Haye Haye
Naiza Akbar Ke Kalaije Mein Utara Haye Haye
Phir Bhi Bhoola Na Tere Wade Ko Pyasa Haye Haye
Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka

Pani Lene Ko Gaya Nehr Pe Abbas Mera
Chid Gai Mashk Kate Hath Alam Thanda Hua
Mere Bache Ki Kamar Toot Gai Phir Bhi Use
Naam Allah Ka Aur Wada Har Ek Yad Raha
Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka

Giahraween Subho Haram Chorh Chale Dasht E Kitaan
Rait Lashon Ka Kafan Chehron Ka Parda Huye Baal
Sar Shaheedon Ke Sar E Nok E Sinaan Qaid Haram
Is Ghareebi Mein Raha Un Ko Magar Tera Khayal
Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka

Do Pisar Zainab E Dilgeer Ke Qurban Huye
Haye Bin Pani Ke Woh Phool Bhi Be Jaan Huye
Sare Paimaan E Wafa Poore Huye Maqtal Mein
Ab Tere Aaqa Tere Shehar Mein Mehmaan Huye
Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka

Ho Gai Poori Tere Dill Ki Dua Jag Zara
Hai Yehi Teri Wafaon Ka Sila Jaag Zara
Ghar Ka Har Gosha Aza Khana Bana De Uth Kar
Tera Aaqa Tera Mehman Hua Jaag Zara
Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka

Ro Diye Mazhar O Irfan Riwayat Parh Kar
Khawab Jab Poora Hua Jaag Uthi Nayk Seyar
Pahunchi Darwaze Pe Dill Pakrhe Huye Tashna Jigar
Di Khabar Ahl E Mohalla Ne Use Yeh Aa Kar
Jaag Sheeren Jaag Ja Ay Kaneez E Bawafa
Aa Raha Hai Ghar Tere Qafila Hussain Ka