Irfan Haider
Zeeshan Abidi
Ya Syedi Ya Abalfazl Abbas
Saqa e Sakina Ae Saakin Al Madina
Har Hussaini Dil Ki Tum Ho Aas
Ya Hazrat e Abbas
Moajza Koi Dikha Do
Shaam Ka Phir Hamein Zawwar Bana Do
Mola Abbas
Tum Ko Sakina Ka Wasta
Sham Jana Hai
Hogayi Dekho Phir Ek Baar Akeli Zainab
Yaad Aati Hai Azadaron Ko Bibi Zainab
Aap Ko Chadar e Zainab Ki Qasam Hai Mola
Band Hai Bibi Ka Darbaar, Yeh Gham Hai Mola
Ab Na Shehzadi Ke Gunbad Pe Alam Hai Mola
Wo Alam Phir Se Sajado
Shaam Jab Karbobala Hote Hue Jaonga
Aap Ki Qabr Se Mashkiza Mein Bhar Laonga
Turbat e Baali Sakina Pe Kahoon Ga Bibi
Mola Abbas Ne Bheja Hai Tumhe Ye Paani
Ab Talak Shaam Ke Zindaan Mein Hai Jo Pyaasi
Us Bhteeji Se Mila Do
Phir Sakina Ke Roze Pe Giriya Karein
Chaahte Hain Ke Ham Munh Ka Pursa Karein
Dil Tarapta Hai Humko Bata Dijiye
Shaam Jab Yaad Aaye To Ham Kya Karein
Zakhmi Kaano Ka Hai Aap Ko Waasta
Phir Se Ek Baar Halab Ja Ke Ziarat Karlein
Shah Ka Sar Jahan Rakha Tha Wo Pathar Chome
Ab Bhi Aati Hai Jahan Mola Ke Khoon Ki Khushbu
Halqa e Matam e Shabbir Bana Kar Har Soo
Is Tarah Noha Padhein Aur Bahayein Aansoo
Tum Hamein Aake Dua Do
Jab Mujhe Shaam Ke Bazaar Ki Yaad Aati Hai
Mola Abbas Meri Jaan Nikal Jaati Hai
Aap Ki Behnein Jahan Layi Gayi Be Chaadar
Phenki Sadqe Ki Khajooren Kabhi Maare Pathar
Haath Rehta Tha Sakina Ka Jahan Chehre Par
Tum Wo Bazaar Dikha Do
Amma Fizza Ki Lahad Dekh Lun Aur Sheereen Ka Ghar
Mola Phir Shaam Ka Darbaar Bhi Dekhun Ja Kar
Hans Ke Zaalim Ne Jahan Naam Liya Zainab Ka
Aur Kaneezi Mein Sakina Ko Jahan Maanga Gaya
Khoon Rote Rahe Sajjad Jahan Par Tanha
Izn Zainab Se Dila Do
Kijiye Hazrat e Abbas Alamdar Madad
Dekhein Zainab Ka Haram Aur Sakina Ki Lahad
Hai Ye Zeeshan Aur Irfan e Aza Ka Wada
Shaam Jis Roz Bhi Dono Ka Bulawa Hoga
Bibiyon Ke Liye Hum Apne Watan Se Wallah
Le Ke Jaayein Ge Rida Do
