Jungle Main Bhare Ghar Ko Luta Ayi Hai Zainab Lyrics - Joan Rizvi

Jungle Main Bhare Ghar Ko Luta Ayi Hai Zainab Lyrics - Joan Rizvi

Jungle Main Bhare Ghar Ko Luta Ayi Hai Zainab Lyrics in Urdu

جنگل میں بھرے گھر کو لُٹا آئی ہے زینبؑ
اے شہرِ مدینہ

عابدؑ کو کِسی طرح بچا لائی ہے زینبؑ
اے شہرِ مدینہ

بندھوا کے رسن ہاتھوں میں اور خطبے سنا کر
گھر بار لُٹا کر ، گھر بار لُٹا کر
دیوار بڑے کفر کی ڈھا آئی ہے زینبؑ
اے شہرِ مدینہ

جس شہر میں شہزادیوں کی طرح رہی تھی
نازوں سے پلی تھی ، نازوں سے پلی تھی
سر ننگے اُسی شہر میں ہو آئی زینبؑؑ
اے شہرِ مدینہ

جو ہجر پدر میں رہی ہیر وقت پریشان
سوئی نہیں اک آن
اُس بچی کو زندان میں سُلا آئی ہے زینبؑ
اے شہرِ مدینہ

ڈھارس تھی بہت بھائی کو جس بھائی کے دم سے
دِل پھٹتا ہے غم سے ، دِل پھٹتا ہے غم سے
ساحل پہ اکیلا اُسے چُھوڑ آئی ہے زینبؑ
اے شہرِ مدینہ

چھ (٦) ماہ کے اصغرؑ کو بھی جھولے کے بجائے
دُکھ درد چھپائے
آغوش میں تُربت کے سُلا آئی ہے زینبؑ
اے شہرِ مدینہ

تھے عون و محمد جو میرے آنکھوں کے تارے
ماموں کے دُلارے ، ماموں کے دُلارے
قربان اُنھیں بھائی پہ کر آئی ہے زینبؑ
اے شہرِ مدینہ

تھا اکبرِ ناشاد جو اِس گھر کا اُجالا
وہ گیسوؤں والا ، وہ گیسوؤں والا
مرقد میں اکیلا اُسے چھوڑ آئی ہے زینبؑ
اے شہرِ مدینہ

کس وقت خُدا جانے قدم نِکلے تھے گھر سے
چادر چِھنی سر سے
اب تک نہ مصائب سے نِکل پائی ہے زینبؑ
اے شہرِ مدینہ

شبیرؑ پہ اب روئے گا تا حشر زمانہ
اے غم کا فسانہ ، اے غم کا فسانہ
مجلس کی بنیاد شام میں ڈال آئی ہے زینبؑ
اے شہرِ مدینہ

رہ جائے گا اخترؔ افقِ غم پہ تیرا نام
کیا خوب ہے انعام ، کیا خوب ہے انعام
نوحہ تیرا سُننے کے لئے آئی ہے زینبؑ
اے شہرِ مدینہ