Syed Raza Abbas Zaidi
Zeeshan Abidi
Kehti Thin Zahra Dekh Ke Chehra
Kitna Haseen Hai Mera Hussain
Tum Meri Jaan Ho Sadqe Ye Maa Ho
Tum Pe Husan Bhi Fida Hussain
Ban Ke Aaya Hai Mera Noor e Nazar Tu
Iss Liye Aankhon Mein Hain Khushi Ke Aanso
Jis Se Mehka Hai Mera Ghar Mera Gulshan
Teen Shaban Mili Mujh Ko Woh Khushbo
Farsh Pe Aa Ke Main Ne Kiya Hai
Intezar Bas Tera Hussain
Aa Ja Taroon Se Teri Nazar Utaron
Chand Ko Aaj Tere Husan Pe Waron
Pas Jab Aaye Tu Seene Se Laga Kar
Pyar Se Tujh Ko Hussaina Main Pukaron
Main Ne Khuda Se Kuchh Nahi Manga
Jab Se Mujh Ko Tu Mila Hussain
Our Bhar Jaye Ga Ronaq Se Mera Ghar
Jab Chale Ga Tu Meri Ungli Pakar Kar
Bhai Ke Sath Mere Pas Tum Aana
Jab Pukaron Gi Main Shabbir Our Shabar
Mujh Ko Miley Hain Chand Se Bete
Aik Hasan Dosra Hussain
Dekh Jibreel Tera Jhola Jholaye
Our Rizwan Tere Naaz Uthaye
Anbiya Hoon Ya Malak Hoon Aye Mere Dil
Sab Tere Sath Zameen Par Chaley Aaye
Arsh Pe Unn Ka Dil Nahi Lagta
Ishq Tujh Se Ho Gaya Hussain
Tu Mere Baba Muhammad Ki Jhalak Hai
Aayaton Ki Tere Chehre Pe Damak Hai
Hain Haseen Abar Ke Jaise Tere Abro
Teri Aankhon Mein Ali Jaisi Chamak Hai
Noor e Mujasam Fakhar e Do Alam
Tu Khuda Ka Mojza Hussain
Mas Howa Jab Woh Tere Jhole Se Aa Kar
Tere Sadqe Mein Hi Fitrus Ko Mile Par
Mujh Se Darwaze Pe Aa Aa Ke Farishte
Mangte Hain Tera Sadqa Ae Mere Dilbar
Sab Ko Main Tera Bant Doon Sadqa
Aik Bar Muskura Hussain
Aaj Zeeshan o Raza Jis Ki Khushi Hai
Dilbar e Zahra Hai Hussain Ibn e Ali Hai
Teen Shaban Bari Eid Hai Phir Bhi
Sab Azadaron Ki Aankhon Mein Nami Hai
Kyun Na Hoon Aanso Aane Pe Tere
Roye The Khud Mustafa Hussain