Kitna Haseen Hai Mera Hussain Lyrics - Syed Raza Abbas Zaidi

This website is for sale — Interested? Learn more →

Kitna Haseen Hai Mera Hussain Lyrics in Urdu

کہتی تھیں زہراؑ دیکھ كے چہرہ
کتنا حَسِیں ہے میرا حُسینؑ

تم میری جان ہو صدقے یہ ماں ہو
تم پہ حُسن بھی فدا حُسینؑ

بن كے آیا ہے میرا نور نظر تو
اِس لیے آنكھوں میں ہیں خوشی كے آنسو
جس سے مہکا ہے میرا گھر میرا گُلشن
تِین شعبان ملی مجھ کو وہ خوشبو
فرش پہ آ كے میں نے کیا ہے
انتظار بس تیرا حُسینؑ

آ جا تاروں سے تیری نظر اُتاروں
چاند کو آج تیرے حُسن پہ واروں
پاس جب آئے تو سینے سے لگا کر
پیار سے تُجھ کو حُسینا میں پُکاروں
میں نے خُدا سے کچھ نہیں مانگا
جب سے مُجھ کو تو ملا حُسینؑ

اور بھر جائے گا رونق سے میرا گھر
جب چلے گا تو میری اُنگلی پکڑ کر
بھائی كے ساتھ میرے پاس تُم آنا
جب پُکاروں گی میں شبیرؑ اور شبرؑ
مجھ کو ملے ہیں چاند سے بیٹے
ایک حسنؑ دوسرا حُسینؑ

دیکھ جبریلؑ تیرا جھولا جُھلائے
اور رضوان تیرے ناز اُٹھائے
انبیاء ہوں یا مَلک ہوں اے میرے دِل
سب تیرے ساتھ زمیں پر چلے آئے
عرش پہ اُن کا دِل نہیں لگتا
عشق تُجھ سے ہو گیا حُسینؑ

تو میرے بابا محمدؐ کی جھلک ہے
آیتوں کی تیرے چہرے پہ دمک ہے
ہیں حَسِیں اَبْر كے جیسے تیرے ابرو
تیری آنكھوں میں علیؑ جیسی چمک ہے
نورِ مجسم فخرِ دو عالم
تو خُدا کا معجزہ حُسینؑ

مس ہوا جب وہ تیرے جھولے سے آ کر
تیرے صدقے میں ہی فطرس کو ملے پر
مجھ سے دروازے پہ آ آ كے فرشتے
مانگتے ہیں تیرا صدقہ اے میرے دلبر
سب کو میں تیرا بانٹ دوں صدقہ
ایک بار مُسکرا حُسینؑ

آج ذیشانؔ و رضا جس کی خوشی ہے
دلبرِ زہراؑ ہے حُسینؑ اِبْن علیؑ ہے
تِین شعبان بڑی عید ہے پِھر بھی
سب عزاداروں کی آنكھوں میں نمی ہے
کیوں نا ہوں آنسو آنے پہ تیرے
روئے تھے خود مصطفیٰؐ حُسینؑ

Kitna Haseen Hai Mera Hussain Lyrics - Syed Raza Abbas Zaidi