Haza Min Fazl E Hussain Ibn E Ali Lyrics - Mir Hasan Mir

This website is for sale — Interested? Learn more →

Haza Min Fazl E Hussain Ibn E Ali Lyrics - Mir Hasan Mir

Haza Min Fazl E Hussain Ibn E Ali Lyrics in Urdu

بادشاہِ جود و سخا وارثِ نُورِ مصطفیٰؐ
محسنِ دینِ کبریا ہے یہ ازانوں کی صدا

هَذَا مِن فضلِ حُسينؑ ابنِ عــلــىؑ

آیَتِ عشق یہ فطرس كے پَروں پر ہے لکھی
هَذَا مِن فضلِ حُسينؑ ابنِ عــلــىؑ

عزت ﷲ نے کیا بخشی ہے عزت دیکھو
فاطمہؑ زہراؑ كے رومال کی عظمت دیکھو
ہُرؑ جہاں جاتا ہے اُٹھ اُٹھ كے یہ کہتے ہیں نبیؐ

سب کی بگڑی ہوئی تقدیر بناتا ہے حسینؑ
جس کو اللہ نا دیتا ہو دِلاتا ہے حسینؑ
دیکھ کر بیٹوں کو راہب یہ انجیل پڑھی

جشن آقا كے نواسے کا مُبارک تُجھ کو
صدقہ دے اپنے عقیدے کا مُبارک تجھ کو
تِین (3) شعبان اگر ہے تیرے ہونٹوں پہ ہنسی

بن كے آیا ہے یہ ُدنیا میں غلامِ شبیرؑ
یہ بتائے گا زمانے کو مقام شبیرؑ
گود مِیں لے كے ابالفضلؑ کو مادر بولی

بولے مولاؑ کہ یہ گُستاخی نا کر بس کر دے
روح جلدی سے میرے دوست کی واپس کر دے
اٹھ كے تسبیح یہ پِھر اِبْنِ مظاہر نے پڑھی

کب بھلا موت كے دریا میں اُترنے دے گا
جانور کو بھی تیرا عشق نا مرنے دے گا
مرتجز، خضر کی مانند ہے زنده اب بھی

یا علیؑ کہہ كے سماعت کو بڑھا کر دیکھو
کان دیوار سے اک بار لگا کر دیکھو
خانہءِ کعبہ سے آواز یہی آئے گی

میں نے عیسیٰ سے کہا کیسے شفاء دیتے ہو
ایک ہی لمحے میں مُردے کو جِلا دیتے ہو
ہنس كے کہنے لگے یہ راز ہے سُن لو تم بھی

مصلحت ہے جو ابھی رُک گئے میرے سرکار
کہہ كے یہ پردہءِ غیبت میں گئی ہے تلوار
شامیوں چھوڑ رہی ہے جو تمہیں تیغِ علیؑ

لوح كے بس میں نہیں ہے نا قلم میں دم ہے
با خدا ساتوں سمندر کی سیاہی کم ہے
لکھنے بیٹھیں جو ہر اک شے پہ ملك اور نبیؐ

دے رہے ہیں یہ صدا عرش پہ جانے والے
سدرہءِ روزہ شبیرؑ پہ آنے والے
آج تو تیری مُلاقات خُدا سے ہو گی

خود سے بنتے نہیں یہ لوگ چُنے جاتے ہیں
آج گھر گھر میں تیرے شعر سُنے جاتے ہیں
یہ جو عزت ہے زمانے میں تکلمؔ تیری