Nadeem Sarwar
Rehan Azmi
Hai Soag Jis Jagha Bhi Shah E Mashraqain Ka
Khud Pursa Zahra Leti Hain Iss Noor E Ain Ka
Rona Sawab Jis Pe Na Rona Haram Hai
Chashm E Khuda Mein Iss Ka Bada Ehtram Hai
Yeh Majlis E Hussain Alehissalaam Hey
Chashm E Khuda Mein Iss Ka Bada Ehtram Hai
Ye Majlisen Hain Hamd E Khuda Naat E Mustafa
In Majlison Mein Hota Hai Quran Lab Kusha
In Majlison Se Milta Hai Jannat Ka Rasta
In Majlison Ki Hoti Hai Kuch Aise Ibtida
Zakir Ke Lab Pe Pehle Khuda Ka Kalam Hai
Chashm E Khuda Mein Iss Ka Bada Ehtram Hai
Ye Majlis E Hussain Aleh Aleyhis Salam Hai
Chashm E Khuda Mein Iss Ka Bada Ehtram Hai
In Majlison Mein Hoti Hai Insaniyat Ki Baat
Zikr E Gham E Hussain Hai Wehdaniat Ki Baat
Ye Majlisen Rasool Ki Haqaniyat Ki Baat
Rad Karti Hain Ye Majlisen Sufiyaniat Ki Baat
In Ke Sabab To Hurr Bhi Aleyhis Salam Hai
Chashm E Khuda Mein Iss Ka Bada Ehtram Hai
Ye Majlis E Hussain Aleh Aleyhis Salam Hai
Chashm E Khuda Mein Iss Ka Bada Ehtram Hai
In Majlison Ko Ajar E Risalat Kaha Gaya
Roz E Azal Se Rone Ko Fitrat Kaha Gaya
Dil Ki Lughat Mein Is Ko Muhabbat Kaha Gaya
Yani Ise Batool Ki Sunnat Kaha Gaya
Har Rone Wali Ankh Ko Mera Salam Hai
Chashm E Khuda Mein Iss Ka Bada Ehtram Hai
Ye Majlis E Hussain Aleh Aleyhis Salam Hai
Chashm E Khuda Mein Iss Ka Bada Ehtram Hai
Ek Majlis E Aza Jo Hui Mulk E Sham Mein
Zainab Ne Saf Bichai Thi Yad E Imam Mein
Aanso Chupe Huye The Shaheedon Ke Naam Mein
Matam Hua Jo Yad E Shah E Tashna Kaam Mein
Tab Se Gham E Hussain Zamane Mein Aam Hai
Chashm E Khuda Mein Iss Ka Bada Ehtram Hai
Ye Majlis E Hussain Aleh Aleyhis Salam Hai
Chashm E Khuda Mein Iss Ka Bada Ehtram Hai
Majlis Mein Zikr E Bali Sakina Kiya Karo
Pani Piyo To Yad Shah E Karbala Ki Ho
Majlis Mein Tazkira Ali Asghar Ka Jab Suno
Ek Aah E Sard Bhar Ke Tarhap Kar Yehi Kaho
Asghar Barha Shaheedon Mein Tera Muqaam Hai
Chashm E Khuda Mein Iss Ka Bada Ehtram Hai
Ye Majlis E Hussain Aleh Aleyhis Salam Hai
Chashm E Khuda Mein Iss Ka Bada Ehtram Hai
Is Majlis E Hussain Ka Sarwar Hai Noha Khuwan
Thakti Nahi Zikr E Hussaini Mein Yun Zuban
Ghutti Mein Ashk E Gham Ko Pilati Rahi Hai Maan
Walid Ne Di Hai Kan Mein Nohon Ki Wo Azan
Rehan Jis Se Sare Zamane Mein Naam Hai
Chashm E Khuda Mein Iss Ka Bada Ehtram Hai
Ye Majlis E Hussain Aleh Aleyhis Salam Hai
Chashm E Khuda Mein Iss Ka Bada Ehtram Hai
