Waqt E Rukhsat Baap Ko Lyrics - Nadeem Sarwar

This website is for sale — Interested? Learn more →

Waqt E Rukhsat Baap Ko Lyrics - Nadeem Sarwar

Waqt E Rukhsat Baap Ko Lyrics in Urdu

وقتِ رُخصت باپ کا بیٹے کو مُڑ کر دیکھنا

کربلا، اب انتہائے صبرِ سرورؑ دیکھنا
وقتِ رُخصت باپ کا بیٹے کو مُڑ کر دیکھنا

دور تک جاتے ہوئے ، دیکھا کیئے کیسے حسینؑ
ٹھوکریں کھا کھا کے خود ، سنبھلا کیئے کیسے حسینؑ
اے علی اکبرؑ ذرا ، پیچھے پلٹ کر دیکھنا
وقتِ رُخصت باپ کا بیٹے کو مُڑ کر دیکھنا

ماں کے ارمانوں کی چادر ، کا عمامہ سر پہ ہے
فاطمہ صغریٰ کی آنکھوں ، کا اُجالا سر پہ ہے
بگڑے گا اک پل میں کتنوں ، کا مقدر دیکھنا
وقتِ رُخصت باپ کا بیٹے کو مُڑ کر دیکھنا

دوش پر بکھری ہوئی ، زُلفیں اُڑاتی تھی ہوا
بکھری زُلفوں سے نکھرتی ، جا رہی تھی کربلا
موت کی جُرا،ت نہیں تھی ، آنکھ بھر کر دیکھنا
وقتِ رُخصت باپ کا بیٹے کو مُڑ کر دیکھنا

اُٹھ رہا ہے گِر رہا ہے ، اک پردہ بار بار
اُمِ لیلیٰ کا یہ خیمہ ، ہے میرے پروردگار
لاش جب آئی تو مر ، جائے گی مادر دیکھنا
وقتِ رُخصت باپ کا بیٹے کو مُڑ کر دیکھنا

ہائے مقتل گھُٹنیوں کے ، بل چلا ہے اک پدر
کہتا ہے آواز دے ، مجھ کو میرے نورِ نظر
کھو گئی بینائی میری ، میرے دلبر دیکھنا
وقتِ رُخصت باپ کا بیٹے کو مُڑ کر دیکھنا

اے حسین ابنِ علیؑ ، جاؤ نہ اکبرؑ کے قریب
ظلم ایسا ہو گیا ہے ، تاب لا سکتے نہیں
کیا گوارہ ہے سِنا ، سینے کے اندر دیکھنا
وقتِ رُخصت باپ کا بیٹے کو مُڑ کر دیکھنا

امتحاں ہے بوڑھے کاندھوں ، کا جواں بیٹے کی لاش
خون میں ڈوبی کس طرح ، دیکھی گی ماں بیٹے کی لاش
اس جگہ اولاد والو، خود کو رکھ کر دیکھنا
وقتِ رُخصت باپ کا بیٹے کو مُڑ کر دیکھنا

مرتے دم اکبر کو ڈر ہے ، ماں نہ آ جائے کہیں
بہہ رہا ہے خون میرے ، سینے سے رنگیں ہے زمیں
کہہ دو اماں سے مجھے ، یوں نہ تڑپ کر دیکھنا
وقتِ رُخصت باپ کا بیٹے کو مُڑ کر دیکھنا

بابا میری ماں میرے، غم کو اُٹھا سکتی نہیں
نیند ایسی آ رہی ہے، ماں جگا سکتی نہیں
زخم میرا ماں کی نظروں، سے بچا کر دیکھنا
وقتِ رُخصت باپ کا بیٹے کو مُڑ کر دیکھنا

خون ہوتا ہے جگر ، ریحان و سرور اُس گھڑی
سوچتے ہیں حضرتِ ، شبیر کی جب بے کسی
باپ کا رُک رُک کے اور ، بیٹے کا مُڑ کر دیکھنا
وقتِ رُخصت باپ کا بیٹے کو مُڑ کر دیکھنا