Asghar Main Teri Maa Hun

Asghar Main Teri Maa Hun Lyrics in Urdu

اصغرؑ میں تیری ماں ہوں

آ جاؤ چاند میرے تیری
پیاس میں بُحجاؤں
اصغرؑ میں تیری ماں ہوں

میرے لاڈلے کہاں ہو
سینے تمہیں لگاؤں
اصغرؑ میں تیری ماں ہوں

بیٹا تُمہارا قاتل
میرے سامنے کھڑا ہے
جانے کیوں ہنس رہا ہے
چادر بھی لُٹ چکی ہے
منه کس طرح چُھپاؤں
اصغرؑ میں تیری ماں ہوں

تیرے جھولے کو سكینہؑ
رو رو كے چُومتی ہے
تجھے گھر میں ڈھونڈتی ہے
تیری موت کی خبر میں
کیسے اُسے سُناؤں
اصغرؑ میں تیری ماں ہوں

میری جان جا رہی ہے
یہ سوچ سوچ اصغرؑ
اِس پھول سے گلے پر
یہ تیر کیسے جھیلا
بہنوں کو کیا بتاؤں
اصغرؑ میں تیری ماں ہوں

نیزے سے گر رہا ہے
ننھا سا سَر تمہارا
دِل روتا ہے ہمارا
میرے ہاتھ تو بندھے ہیں
سَر کس طرح اُٹھاؤں
اصغرؑ میں تیری ماں ہوں

جھولے كے ساتھ بیٹا
میرے ہاتھ جل گئے ہیں
ظالم بھی ہنس رہے ہیں
تیری آخری نشانی
ہائے کس طرح سے بچاؤں
اصغرؑ میں تیری ماں ہوں

جب رات ہو گی رَن میں
ہو جائے گا اندھیرا
ڈرنا نہیں اے بیٹا
دادی کہیں گی تم سے
آ میں تُجھے سُلاؤں
اصغرؑ میں تیری ماں ہوں

تم رات کو ہمیشہ
سُنتے تھے ماں سے لوری
اب نیند آتی ہو گی
پِھر گود میں لِٹا کر
نادِ علیؑ سُناؤں
اصغرؑ میں تیری ماں ہوں