Ma Mujhe Apni Ghodi Main Lyrics - Nadeem Sarwar

This website is for sale — Interested? Learn more →

Ma Mujhe Apni Ghodi Main Lyrics - Nadeem Sarwar

Ma Mujhe Apni Ghodi Main Lyrics in Urdu

نیزے سے اصغر کو نظر آئی جو مادر
دیکھا کھُلا سر ہے پریشان ہے مضطر
رونے لگے کہنے لگے تب علی اصغر
ماں مجھے اپنے سینے سے لگا لے
ماں مجھے اپنی گودی میں چھُپا لے
ماں میں نیزے پہ ہوں

اماں بہت دن ہوئے جھُولے میں نہ سویا
ماں تیری عزت کی قسم پھر بھی نہ رویا
اب تجھے دیکھا تو میرے لب ہوئے گویا
آج بندھے ہاتھوں کو جھُولا سا بنا لے
سینے سے لگا لے
---ماں میں نیزے پہ ہوں

جسم کہاں سر ہے کہاں ہائے مقدر
اماں بدن رِہ گیا کربل کی زمیں پر
اماں تیرے ساتھ چلا آیا میرا سر
کرتا تجھے کیسے لعینوں کے حوالے
سینے سے لگا لے
---ماں میں نیزے پہ ہوں

گرم ہوا گرم زمین جلتا ہوا تیر
اماں ذرا سوچو میرے قد سے بڑا تیر
کیسے کہوں حلق پہ جس وقت لگا تیر
ہو گئے بے حوش مجھے دیکھنے والے
سینے سے لگا لے
---ماں میں نیزے پہ ہوں

کب سے سکینہ نے نہیں مجھ کو کیا پیار
کرب و بلا کوفہ کہاں شام کا بازار
ڈرتی ہے کیا خوں سے بھرے دیکھ کے رُخسار
نیزے کے نزدیک ذرا اُس کو بلا لے
سینے سے لگا لے
---ماں میں نیزے پہ ہوں

دھوپ میں توں نے نہ کبھی گھر سے نکا لا
اماں بڑے پیار سے توں نے مجھے پالا
آج نہیں کوئی مجھے دیکھنے والا
توں ہی مجھے دھوپ کی شدت سے بچا لے
سینے سے لگا لے
---ماں میں نیزے پہ ہوں

دیکھ تیرا لختِ جگر یوں تو ہے اصغر
نیزہ سواری میں ہے اکبر کے برابر
نوکِ سناں پر ہے ستارا سا میرا گھر
میری شجاعت پہ گلے مجھ کو لگا لے
سینے سے لگا لے
---ماں میں نیزے پہ ہوں

بابا کا سر بھائی کا سر نوکِ سناں پر
کیسے میں برداشت کروں اماں یہ منظر
جلتی ہوئی خاک سے منہ اپنا چھپا لے
سینے سے لگا لے
---ماں میں نیزے پہ ہوں

ٹکڑے کلیجہ ہوا بانو کا ہر اک آن
نیزے پہ گویا ہوا جب چھوٹا سا قرآن
ماں کی یہ آواز تھی بس سرور و ریحان
ساتھ ہوں آزاد تو ارمان یہ نکلے
سینے سے لگا لے
---ماں میں نیزے پہ ہوں