Nadeem Sarwar
Rehan Azmi
Aap Achy Hain Chacha
Par Yeh Zamana Nahi Acha
Pyaas Achi Hai Magar Aap Ka Jana Nahi Acha
Aap Achy Hain Chacha Par Yeh Zamana Nahi Acha
Pyaas Achi Hai...
Aasman Roye Ga Khaimon Mein Qayamat Ho Gi
Bin Alamdar E Alam Khaimon Mein Lana Nahi Acha
Pyaas Achi Hai...
Sirf Ek Raat Mein Kiun Boorha Hua Hai Sajjad
Sar Khuly Maaon Ky Baiton Ko Dikhana Nahi Acha
Pyaas Achi Hai...
Aik Shehzadi Thi Jis Shehar Ki Bibi Zainab
Us Ky Bazaron Mein Zainab Ko Phirana Nahi Acha
Pyaas Achi Hai...
Jaisy Zindan Mein Sakina Hai Mili Baba Sy
Is Tarah Bap Sy Beti Ko Milana Nahi Acha
Khush Naseebi Hai Jo Dy Baap Ko Beta Kaandha
Baap Ka Lash E Jawan Haye Uthana Nahi Acha
Pyaas Achi Hai...
Qabr Asghar Ki Bana Kar Hai Pareeshan Hussain
Aag Si Rait Mein Ek Phool Chupana Nahi Acha
Pyaas Achi Hai...
Ab Hamesha Main Rahun Gi Isi Zindaan Mein Chacha
Main Na Kehti Thi Mujhy Chorh Ky Jana Nahi Acha
Pyaas Achi Hai...
Sar Khuly Bibiyan Roti Hain Aza Khanon Mein
Shab E Ashoor Charaghon Ko Jalana Nahi Acha
Pyaas Achi Hai...
Har Khushi Sadqy Mein Zainab Ky Khuda Dy Tujh Ko
Han Muharram Mein Khushi Koi Manana Nahi Acha
Pyaas Achi Hai...
Hum Ali Walon Ko Ay Sarwar O Rehan Kabhi
Farsh E Matam Ky Siwa Dhundny Jana Nahi Acha
Pyaas Achi Hai...
