Jo Bhi Masroof

Jo Bhi Masroof Lyrics

Ya Hussain Ya Hussain

Jo Bhi Masroof E Salam E Shohada Rehta Hai
Go Woh Rehta Nahi Par Naam Sadaa Rehta Hai

Shimr Kehta Tha Yehi Maan Hai Ali Akbar Ki
Jis Ka Ek Hath Kalaijy Py Dhara Rehta Hai
Jo Bhi Masroof..

Hai Yeh Sharmindagi Pani Ky Na Pahunchany Ki
Naizy Py Bhi Sar E Abbas Jhuka Rehta Hai
Jo Bhi Masroof..

Sham Hoti Hai To Oonton Sy Utarty Hain Haram
Par Sar E Shah To Naizy Py Charha Rehta Hai
Jo Bhi Masroof..

Ro Ky Yeh Hind Ki Beti Ny Sakina Sy Kaha
Sar Tera Kis Liye Har Waqt Khula Rehta Hai
Jo Bhi Masroof..

Woh Lagi Kehny Yateemon Ki Nishani Hai Yehi
Kurta Bey Warisi Bachon Ka Phata Rehta Hai
Jo Bhi Masroof..

Tof E Kaaba Ka Tujhy Shaoq Hai Az Bask E Dabeer
Muztarib Dill Sy Fateh Qibla Numa Rehta Hai
Jo Bhi Masroof..