Uth Ja Mere Sajjad

Uth Ja Mere Sajjad Lyrics

Sham e Gareeban
Jalte Khaime Uthta Dhuwan
Aoun o Muhammad Ki Wo Maa
Aayi Sajjad Ke Khaime Mein
Kaha Shana Hila Kar Rote Huwe
Aabad Rahe Gi Karbobala
Chal Sham Karein Aabad
Uth Ja Mere Sajjad

Uth Ja Mere Sajjad
Mera Man Jaya Nahi Aaya
Sun Zainab Ki Fariyad

Amaa Ka Hath Gale Par Tha
Kuchh Door Se Dekha Tha Maine
Maqtal Mein Sokhi Gardan Par
Jab Shimr Ne Tairan War Kiye
Wo Bhai Mera Wawaila
Mara Gaya Pyasa Wawaila
Jis Bhai Par Qurban Huyi
Pyasi Meri Aulad
Uth Ja Mere Sajjad

Khaimon Mein Hi Jal Jayain Ya
Khaimon Se Nikal Jayain Bahar
Kya Hukm Hai Tera Zainab Ko
Ek Bar Bata De Tu Uth Kar
Na Qasim Hai Na Asghar Hai
Abbas Hai Or Na Akbar Hai
Bas Tera Sahara Hai Hum Ko
Bhaiya Shabbir Ke Bad
Uth Ja Mere Sajjad

Ye Sham e Ghareeban Hai Beta
Teri Pehli Sham Imamat Ki
Teri Salari Mein Sham Talak
Karna Hai Safar Ban Kar Qaidi
Na Mehmil Hai Na Houdaj Hai
Na Lashkar Ki Wo Sajh Dajh Hai
Jab Hath Bandhainge Gardan Se
Ghazi Aaye Ga Yad
Uth Ja Mere Sajjad

Be Maqna O Chadar Naq e Se
Humein Jana Hai Sajjad Jahan
Ae Laal Sunu Kaise Hoga
Sadat Ka Istaqbal Wahan
Bazar Mein Aane Se Pehle
Rokein Ge Humain Darwaze Pe
Galiyon Ko Sajaya Jaye Ga
Naye Honge Sitam Ejaad
Uth Ja Mere Sajjad

Sajjad Teri Masoom Behan
Zalim Ke Tamache Khaye Gi
Mange Ga Kaneezi Mein Hakim
Darbar Mein Jab Wo Jaye Gi
Mar Jaye Gi Durre Kha Kha Kar
Zindan Mein Us Ko Dafna Kar
Tujhe Rona Hai Chalis Baras
Na Honge Kabhi Hum Shad
Uth Ja Mere Sajjad

Ash Sham Ash Sham Ash Sham Suna
Or Aankhein Kholin Abid Ne
Zainab Ne Kaha Ae Zeeshan o
Irfan Sahara Dete Huwe
Maqtal Mein Pade Un Lashon Ka
Chehlum Karne Un Pyason Ka
Aayenge Dobara Karbobala
Jab Honge Hum Azad
Uth Ja Mere Sajjad