Abb Wo Sajjad Na Raha Sajjad

Abb Wo Sajjad Na Raha Sajjad Lyrics

Nook e Naiza Se Dekh Lo Baba
Ab Wo Sajjad Na Raha Sajjad

Jis Ghadi Be Rida Hoyi Zainab
Karbala Mein Hi Mar Gaya Sajjad

Kya Hai Pardah Ye Sham Walon Ko
Meri Dadi Ne Hi Sikhaya Hai
Unn Hi Logon Ne Meri Phophiyon Ko
Be Rida Sham Mein Phiraya Hai
Kya Ghazab Hai Ke Hath Phaila Kar
Mangta Hai Bas Ik Rida Sajjad

Haye Jis Ne Beghair Mehmal Ke
Ghar Se Bahar Qadam Na Rakha Tha
Oss Phophi Ko Zamane Walon Ne
Aap Ke Bad Be Rida Dekha
Kash Abbas Aaj Hote To
Ye Qayamat Na Dekhta Sajjad

Sar Pe Jab Tak Tha Aap Ka Saya
Maaon Behno Ke Sar Pe Thi Chadar
Warna Main Bhi Ali Ka Beta Hon
Janta Hon Main Jang Ke Johar
Dekh Kar Be Rida Phophi Ka Sar
Sharm Ke Mare Jhuk Gaya Sajjad

Nanhe Bachon Ke Hath Mein Pathar
De Ke Mara Gaya Sakina Ko
Pusht e Naqa Se Bhi Giraya Or
Taziyane Lage Yateema Ko
Main Bandhe Hath Dekh Kar Roya
Oss Ne Har Dard Par Kaha Sajjad

Badar o Khebar Ki Jo Adawat Thi
Oss Ka Yon Inteqam Lete Hain
Sham Ke Loag Bheed Mein Har Dam
Meri Phophiyon Ka Naam Lete Hain
Taziyane Tu Seh Gaya Baba
Tanz Lekin Na Seh Saka Sajjad

Iss Tarhan Se Bandhe Hain Rassi Se
Hath Mere Gale Yateemo Ke
Main Jhukon Tu Zameen Se Baba
Paon Uthte Hain Nanhe Bachoon Ke
Bas Rukon Mein Hi Shukar Ke Sajde
Kar Ke Guzre Ga Ab Tera Sajjad

Jis Behan Ne Hamesha Jeene Ki
Haye Abbas Ko Duaein Dein
Be Rida Sar Pe Rakh Ke Hathon Ko
Oss Ne Abbas Ko Sadaein Di
Sar Sina Se Wahan Gira Unn Ka
Or Yahan Khak Par Gira Sajjad

Apne Mola Ke Aik Aanso Ka
Haq Ada Na Sahaab Kar Paya
Girte Ashkon Ki Roshnai Se
Dil Ke Qirtas Par Yehi Likha
Kitna Gehra Tha Gham Ridaon Ka
Ya Khuda Janta Hai Ya Sajjad