Mir Hasan Mir
Bilal Kazmi
Abid Ko Jahan Ghash Aata Hai
Durron Se Jagaya Jata Hai
Ek Phool Hai Jis Ko Kanton Par
Din Raat Chalaya Jata Hai
Abbas Ki Ghairat Se Aksar
Abid Ki Aseeri Pochhti Hai
Kya Char Baras Ki Behna Ko
Zindaan Mein Sulaya Jata Hai
Sadaat Ke Khaime Jalte Hain
Sholon Mein Ghiri Hai Aal e Nabi
Phir Aaj Nabi Ki Beti Par
Darwaza Giraya Jata Hai
Reh Reh Ke Sheh e Deen Dekhte Hain
Naize Se Sakina Ki Janib
Lagta Hai Ke Pusht e Naqa Se
Bachi Ko Giraya Jata Hai
Bibi Ko Qareeb e Lash e Jarri
Durron Ki Aziyyat Daite Hain
Abbas Ko Tadpane Ke Liye
Zainab Ko Sataya Jata Hai
Ghairat Ke Sabab Jis Bibi Ne
Ghar Mein Bhi Na Dekha Aaina
Be Parda Osse Lane Ke Liye
Darbar Sajaya Jata Hai
Bin Biyah Ke Akbar Mare Gaye
Arman Na Nikle Bano Ke
Taboot Pe Akbar Ke Sehra
Kuchh Yon Bhi Chadhaya Jata Hai
Wo Nok e Sina Par Ghairat Se
Rukta Hi Nahi Gir Jata Hai
Jab Jab Bhi Sar e Abbas e Jrri
Naize Pe Chadhaya Jata Hai
Parde Mein Bilal e Karb o Bala
Roye Na Mera Mola Kyun Kar
Afsos Ke Turbat Mein Ab Tak
Zahra Ko Rulaya Jata Hai











