Hussain Labbaik

Ye Farsh E Aza, Farsh E Buka, Karbobala Hai
Ye Khaak E Najaf, Khak E Haram, Khak E Shifa Hai
Ye Noor E Khuda, Qibla Numa, Arsh E Khuda Hai
Jalne Na Do Nafrat Ki Diye Pyari Hawaon
Hai Aik Khuda, Aik Nabi, Sab Ko Batao
Aur Kaho, Aur Kaho, Aur Kaho
Labaik Hussain Labaik, Hussain Labaik
Ye Farsh E Aza Sab Ke Liye Hai
Zehra Ki Dua Sab Ke Liye Hai

Duniya Mein Saf E Matam E Shabbir Bichao
Khuwahish Hai Yeh Zehra Ki, Isy Bhool Na Jao
Paigham E Hussain Ibn E Ali Sab Ko Sunao
Insan Shanasi Hai, Aza Khanon Mein Ao
Ye Aman Ka Paigham Hai, Duniya Ko Sunao
Aur Kaho, Labaik Hussain Labaik
Ye Farsh E Aza Sab Ke Liye Hai
Zehra Ki Dua Sab Ke Liye Hai

Shabbir Ne Sikhlai Hai Insan Shanasi
Insan Ki Hidayat Ke Liye Jaan Luta Di
Hai Majlis E Shabbir Isi Nukte Ki Aadi
Allah Ki Dharti Pe Na Tum Khoon Bahao
Chahat Ky Shajar, Phool Muhabbat Ky Khilao
Aur Kaho, Labaik Hussain Labaik
Ye Farsh E Aza Sab Ke Liye Hai
Zehra Ki Dua Sab Ke Liye Hai

Insan Ki Nigehbaan Azadari E Shabbir
Momin Ka Hai Emaan Azadari E Shabbir
Rishton Ki Hai Pehchan Azadari E Shabbir
Is Dars E Muhabbat Ko Suno Aur Sunao
Abbas E Alamdar Ke Parcham Ko Uthao
Aur Kaho, Labaik Hussain Labaik
Ye Farsh E Aza Sab Ke Liye Hai
Zehra Ki Dua Sab Ke Liye Hai

Ye Karbobala Kya Hai, Yeh Maqtal Nahi Maktab
Is Maktab E Aali Ki Mudarris Huiin Zainab
Jis Bibi Ne Mazboot Kiya Aur Bhi Mazhab
Is Bibi Ke Khutbon Ko Nisaabon Mein Parhao
In Phoolon Ko Guldaan E Aqeedat Mein Sajao
Aur Kaho, Labaik Hussain Labaik
Ye Farsh E Aza Sab Ke Liye Hai
Zehra Ki Dua Sab Ke Liye Hai

Gar Shoq E Ziarat Hai, Aza Khanay Mein Ao
Gar Aman Ki Chahat Hai, Aza Khanay Mein Ao
Dehshat Sy Jo Nafrat Hai, Aza Khanay Mein Ao
Jannat Ki Zaroorat Hai To Is Ghum Ko Manao
Duniya Se Sitam Gaaron Ky Fitnay Ko Mitao
Aur Kaho, Labaik Hussain Labaik
Ye Farsh E Aza Sab Ke Liye Hai
Zehra Ki Dua Sab Ke Liye Hai

Ye Aon O Muhammad, Ali Akbar Ka Hai Matam
Abbas, Sakina, Ali Asghar Ka Hai Matam
Ye Zainab O Kulsoom Ka, Haider Ka Hai Matam
Woh Dekho Safeeran E Aza, Aate Hain Ao
Ay Sarwar O Rehan Chalo Noha Sunao
Aur Kaho, Labaik Hussain Labaik
Ye Farsh E Aza Sab Ke Liye Hai
Zehra Ki Dua Sab Ke Liye Hai