Buss Ya Hussain

Buss Ya Hussain Lyrics

Ae Hurr Kise Mili Yeh Shahadat Ki Zaib O Zain
Bali Pe Tere Aain Hain Khud Madar E Hussain
Is Martabe Ke Bad To Sab Tujh Ko Mil Gaya
Ae Hurr Hussain Mil Gaye Rab Tujh Ko Mil Gaya

Kuch Nahi Mila Use Tu Nahi Mila Jise
Tu Jis Ko Mil Gaya Rab Us Ko Mil Gaya
Buss Ya Hussain

Ye Bas Hussain Ki Ata Yeh Bas Hussain Ka Jigar
Jo Kah Diya Woh Motabar Jo De Diya To Sara Ghar
Karam Hussain Ka Karam Kisi Pe Ho Gaya Agar
Mile Kisi Ko Bal O Par Kisi Ko Mil Gaye Pisar
Hurr Bana Diya Use Jo Aik Bar Mil Gaya
Tu Jis Ko Mil Gaya Rab Us Ko Mil Gaya
Buss Ya Hussain

Wa Tu Izzu Mantasha Watu Zillu Mantasha

Adam Ki Poori Nasl Pe Ehsan Kon Tha
Jis Par Khuda Ko Naaz Woh Insan Kon Tha
Kunbe Ke Sath Deen Pe Qurban Kon Tha
Nok E Sinan Pe Qari E Quran Kon Tha
Ae Karbala Bata Tera Mehman Kon Tha
Buss Ya Hussain

Buss Hussain Tha Jise Yeh Ikhtiar Mil Gaya
Yeh Ikhtiar Kitna Waseeh O Buland Hai
Sara Jahan Hussain Ki Muthi Mein Band Hai
Badla Hai Karbala Mein Taqaza E Inqelaab
Naize Pe Ab Jo Sar Hai Wohi Sar Buland Hai
Aiwan E Inbisaat Mein Jannat Na Kar Talash
Yeh To Gham E Hussain Ke Aansoo Mein Band Hai
Buss Ya Hussain

Dastan Hussain Ki Samajh Mein Aa Gai Agar
To Hurr Ki Rehguzaar Par Kare Ga Ishq Ka Safar
Tarhap Tarhap Uthe Ga Tu Kahe Ga Rat Rat Bhar
Hussain Buss Hussain Hai Sinan Pe Ya Zameen Par
Shah E Karbala Se Jis Ke Dill Ka Taar Mil Gaya
Tu Jis Ko Mil Gaya Rab Us Ko Mil Gaya

Aik Dopehr Mein Jis Ne Bhara Ghar Luta Diya
Nazaan Khuda Hai Jis Pe Woh Sajda Ada Kiya
Apne Lahu Se Khak Ko Khak E Shifa Kiya
Ashur Aik Roz Tha Sadion Pe Chaa Gaya
Karbobala Ko Arsh E Mualla Bana Diya
Buss Ya Hussain

Salam Ya Hussain Rab Ka Aitbar Mil Gaya
Tu Jis Ko Mil Gaya Rab Us Ko Mil Gaya

Jab Ran Mein Zulfiqar E Ali Nagahaan Chali
Bich Bich Gaiin Safon Pe Safen Woh Jahan Chali
Chamki To Is Taraf Udhar Aai Wahan Chali
Dene Ko Dad Arsh Se Pyase Ki Maan Chali
Muddat Ka Taal Mail Tha Barson Ka Sath Tha
Jaisi Woh Zulfiqar Thi Waisa Hi Hath Tha
Kha Kha Gai Safon Ko Jidhar Aai Zulfiqar
Geh Chup Gai To Gaah Nazar Aai Zulfiqar
Sar Par Chamak Ke Taaban Qamar Aai Zulfiqar
Zee Kaat Kar Zameen Pe Utar Ai Zulfiqar
Phir To Yeh Ghul Ai Ke Duhai Hussain Ki
Allah Ka Ghazab Hai Larhai Hussain Ki

Hussain Ya Hussain

Aai Nida E Ghaib Ke Shabbir Marhaba
Is Hath Ke Liye Thi Yeh Shamsheer Marhaba
Yeh Aabroo Yeh Jang Yeh Toqeer Marhaba
Buss Buss Hussain Buss Mere Dilgeer Marhaba
Waqt E Namaz E Asr Hai Takbeer Marhaba
Bass Ya Hussain

Labbaik Keh Ke Taigh Rakhi Sheh Ne Nyam Mein
Palti Sipah Aai Qayamat Jahan Mein
Log Khanjaron Mein Taighon Mein Bharon Mein Ghir Gaye
Tanha Hussain Barchion Walon Mein Ghir Gaye
Hussain Ya Hussain

Rehan O Sarwar E Hazeen Suno Yeh Aisa Raz Hai
Hussain Keh Rahe Thy Buss Khuda Pe Mujh Ko Naaz Hai
Na Bhai Na Pisar Raha Na Koi Chara Saaz Hai
Azan Hai Hussain Hai Khuda E Be Nyaz Hai
Na Zeen Na Zameen Par Yeh Akhri Namaz Hai
Hussain Ya Hussain

Jis Ke Dill Mein Hussain Rehta Hai
Farsh Majlis Ka Jo Bichhata Hai
Jo Bhi Noha Kahin Sunata Hai
Le Ke Nam E Hussain Rota Hai
Us Ko Zehra Salam Kartin Hai