Amma Baar Baar Gala

Amma Baar Baar Gala Mera Dukhta Hai
Amma Baar Baar

Uthtin Hain Jab Bhi Ap Mera Sans Rukta Hai
Amma Baar Baar Gala Mera Dukhta Hai
Amma Baar Baar

Soi Nahi Hun Sham E Ghareeban Ke Bad Main
Ab Ke Jeeun Gi Sham K Zindan Ke Bad Main
Be Aas Ab Hun Shah E Shaheedan Ke Bad Main
Saya Ajal Ka Amman Mere Sath Chalta Hai
Amma Baar Baar Gala Mera Dukhta Hai
Amma Baar Baar

Kanon Ka Khoon Ankhon Ke Ansoo Se Mil Gaya
Har Zakhm Phool Ban Ke Badan Par Hai Khil Gaya
Baba Ko Dhund Lao Ke Seene Se Dil Gaya
Be Jan Mere Jism Mein Kiun Dil Dharakta Hai
Amma Baar Baar Gala Mera Dukhta Hai
Amma Baar Baar

Ae Amma Jab Se Baba Se Main Door Ho Gai
Ye Zindagi Mere Liye Na Soor Ho Gai
Par Kea Karun Naseeb Se Majboor Ho Gai
Hijr E Padar Se Seene Mein Ik Dard Uthta Hai
Amma Baar Baar Gala Mera Dukhta Hai
Amma Baar Baar

Kante Parhe Hain Halq Mein Ae Amma Pyas Se
Darti Hun Jhonka Guzre Hawa Ka Jo Pas Se
Neend Urh Gai Hai Ankhon Se Khaof O Hiras Se
Rone Pe Mere Shimr E Laeen Kiun Jhirakta Hai
Amma Baar Baar Gala Mera Dukhta Hai
Amma Baar Baar

Asghar Ke Bad Pani Piyun Main Nahi Nahi
Ammun Ke Bad Zinda Rahun Main Nahi Nahi
Faryad Kuchh Shaqi Se Karun Main Nahi Nahi
Pani Mein Aks E Chehra E Asghar Jhalakta Hai
Amma Baar Baar Gala Mera Dukhta Hai
Amma Baar Baar

Lagta Hai Qaid E Jan Se Rihai Qareeb Hai
Ae Amman Jano Tum Se Rihai Qareeb Hai
Ab Maot Mujh Ko Qabr Ke Lai Qareeb Hai
Daman To Jal Chuka Hai Mera Dil Sulagta Hai
Amma Baar Baar Gala Mera Dukhta Hai
Amma Baar Baar

Konain Mein Ye Kaisa Hai Qanoon Puchhiye
Marne Ke Bad Mujh Ko Rihai Nahi Mile
Ye Kaisi Qaid Hai Ke Lehad Bhi Yahin Bane
Qaidi Kabhi To Qaid Se Ghar Ko Palatta Hai
Amma Baar Baar Gala Mera Dukhta Hai
Amma Baar Baar

Jao Nadeem Sarwar O Rehan Aik Bar
Zindan E Sham Mein Jahan Bibi Ka Hai Mazaar
Raton Ko Dheemi Dheemi Si Ati Hai Ik Pukaar
Kanon Se Mere Khoon Abhi Bhi Tapakta Hai
Amma Baar Baar Gala Mera Dukhta Hai
Amma Baar Baar

Uthti Hain Jab Bhi Ap Mera Sans Rukta Hai
Amma Baar Baar Gala Mera Dukhta Hai
Amma Baar Baar