Allah Allah Min Rasil Hussain

Allah Allah Min Rasil Hussain Lyrics

Rasil Hussain Dil E Jahan

Salam Bar Muharram
Salam Bar Karbala
Salam Bar Ashura
Salam Bar Hussain

Assalam O Alal Hussain
Wa Ali Ibne Al Hussain
Wa Aolad Il Hussain
Wa Ashab Il Hussain
Assalam O Alal Shaib Il Khazeem
Assalam O Alal Khad Et Tareem
Assalam O Alal Badan E Saleef
Assalam O Alat Taghil Makro E Bil Kazeeb
Assalam O Alal Raas El Marfoo

Allah Allah Min Rasil Hussain

Ae Neyza Sawaron Ki Qayadat Ke Shehanshah
Zulfain Teri Walail Wa Shams Hai Chehra
Aankhon Se Ayaan Noor E Muhammad Ka Ujala
Lab Tere Hain Masroof E Tilwat Bin E Zehra
Sajdy Mein Jhuka Sar To Ibadat Ka Sharaf Tha
Neyzey Pe Utha Sar To Yeh Sar Durr E Najaf Tha
Allah Allah Min Rasil Hussain

Thi Pusht E Muhammad To Isi Sar Ka Musalla
Aur Chadar E Tatheer Hai Isi Sar Ka Umaama
Man Kunto Ka Khutba Hai Isi Sar Ka Khulasa
Es Sar Ky Sabab Karbobala Ab Hai Mua’lla
Yeh Sar Na Jhuka Khanjar O Talwar Ke Aage
Sar Zulm Ka Kham Hai Tere Inkaar Ke Aage
Allah Allah Min Rasil Hussain

Rooh E Hussain, Jabeen E Hussain
Abroo E Hussain, Chashme E Hussain
Rukhsar E Hussain, Dehn E Hussain
Lab E Hussain, Dandaan E Hussain
Rukhsar E Hussain, Reesh E Hussain
Guloo E Hussain, Zulf E Hussain
Khushboo E Hussain, Zahn E Hussain
Fikar E Hussain, Guftaar E Hussain

In Ankhon Ko Hai Ahmad E Mukhtar Ne Chooma
Zehra O Ali Ne Lab O Rukhsar Ko Chooma
Zulfon Ko Hasan Ne Hai Barhy Pyar Sy Chooma
Behnon Ny Gala Is Ka Kai Baar Hai Chooma
Sardari E Abbas Isi Sar Se Jurhi Hai
Aur Zainab O Kulsoom Ko Yeh Misl E Ali Hai
Allah Allah Min Rasil Hussain

Mojood Tha Is Sar Mein Muhammad Ka Khazana
Maqsad Tha Isi Sar Ka To Islam Bachana
Zalim Ny Bahot Chaha Tha Is Sar Ko Jhukana
Yeh Sar Na Jhuka Kat Gaya Zahra Ka Gharana
Es Sar Ka Safar Sun Ke Jahan Rota Hai Ab Tak
Ghaibat Mein Jo Hai Marsiya Khuwanon Ka Hai Ab Tak
Allah Allah Min Rasil Hussain

Allah Ko Yeh Sar Pas E Gardan Sy Kata Tha
Zarben Thiin Lagi Tera Bahut Khushk Gala Tha
Zainab K Liye Waqt Qayamat Sy Karha Tha
Zulfon Ko Pakarh Kar Jo Yeh Sa Shimr Chala Tha
Afsos Sar E Nok E Sinaan Jab Yeh Sar Aaya
Jalta Hua Ghar Shame Ghareeban Ka Tha Saya
Allah Allah Min Rasil Hussain

Es Sar Ky Masaib Ka Yeh Pur Dard Hai Qissa
Khooli Ney Isy Ghar Mein Jo Tandoor Mein Rakha
Raat Aai To Phir Zaoja E Khooli Ne Yeh Dekha
Tandoor Se Ek Noor Ka Darya Hai Ubalta
Ek Bibi Siyah Posh Ny Is Sar Ko Uthaya
Ro Ro Ke Kaha Haye Ghareeb E Bin E Zehra
Allah Allah Min Rasil Hussain

Rahib Ne Yeh Sar Dekha Tha Jab Nok E Sinaan Par
Khooli Se Kaha Kon Hai Yeh Kis Ka Hai Yeh Sar
Bola Wo Bad Atwaar Ka Yeh Hai Bin E Haider
Rahib Ne Woh Sar Le Liya Khooli Ko Diya Zarr
Sar Goud Mein Rakhy Huye Rota Raha Rahib
Awaz E Fughan Zehra Ki Sunta Raha Rahib
Allah Allah Min Rasil Hussain

Yeh Sar Kabhi Sandooq Mein Tandoor Mein Rakha
Es Sar Ko Darakhton Pe Laeenon Ne Sajaya
Nayzay Py Isy Shehar Ki Galiyon Mein Phiraya
Ham Raah Aseeron Ky Yeh Sar Shaam Jab Aaya
Sajjad Ko Zainab Ko Rulate Thy Sitamgar
Sar Bali Sakina Ko Dikhate Thy Sitamgar
Allah Allah Min Rasil Hussain

Darbar E Yazeedi Mein Bapa Jashn E Karab Tha
Thy Aik Taraf Ahl E Haram Muztar O Giriya
Aur Samny Tha Takht Pe Marjana Ka Beta
Us Takht Taly Sar Tha Hussain E Be Khata Ka
Badmast Laeen Nashy Mein Lalkaar Raha Tha
Dandaan E Shah E Deen Pe Charhi Maar Raha Tha
Allah Allah Min Rasil Hussain

Jis Waqt Yeh Sar Sham Ke Zindaan Mein Aaya
Sar Bhai Ka Zainab Ne Kalaije Se Lagaya
Sajjad Ne Be Hosh Sakina Ko Jagaya
Sar Baba Ka Pehlu Mein Sakina Ne Jo Paaya
Ae Sarwar O Rehan Qayamat Ka Samaa Tha
Shabbir Ka Sar Rota Tha Aur Shor O Fughan Tha
Allah Allah Min Rasil Hussain

Assalam O Alal Hussain
Assalam O Alla Rasil Marfoo