Achi Nahi Ye Baat Lyrics - Nadeem Sarwar

This website is for sale — Interested? Learn more →

Achi Nahi Ye Baat Lyrics - Nadeem Sarwar

Achi Nahi Ye Baat Lyrics in Urdu

عاشور کی شب ہائے سکینہ کا وہ رونا
اور سیدِ مظلوم کا بیٹی سے یہ کہنا
ارے تُو روئے میں یہ دیکھ نہیں سکتا سکینہ

اچھی نہیں یہ بات نہ رویا کرو بی بی
پہلو میں کبھی ماں کہ بھی سویا کرو بی بی

کیا ہوئے کسی شب کو جو ہم گھر میں نہ آئیں
تم ہم کو نہ پائو تمہیں ہم بھی نہیں پائیں
تڑپو گی نہیں درد سے وعدہ کرو بی بی
پہلو میں کبھی ماں کہ بھی سویا کرو بی بی
اچھی نہیں یہ بات نہ رویا کرو بی بی

بیٹھا کرو کچھ دیر چراغوں کو بُجھا کر
سمجھا کرو اس خاک کو اے لاڈلی بستر
بالی کبھی یوں ہی نہیں پہنا کرو بی بی
پہلو میں کبھی ماں کہ بھی سویا کرو بی بی
اچھی نہیں یہ بات نہ رویا کرو بی بی

کچھ دیر کو یہ فرض کرو ہم نہ رہیں گر
باقی نہ رہے ہاتھ کوئی رکھنے کو سر پر
ماحول یتیموں کا بھی سوچا کرو بی بی
پہلو میں کبھی ماں کہ بھی سویا کرو بی بی
اچھی نہیں یہ بات نہ رویا کرو بی بی

عادت ذرا تنہائی میں رہنے کی بھی ڈالو
تصویر تصور میں اسیری کی بنالو
آزاد پرندوںکو نہ دیکھا کرو بی بی
پہلو میں کبھی ماں کہ بھی سویا کرو بی بی
اچھی نہیں یہ بات نہ رویا کرو بی بی

اصغر کو نہ مانوس کرو پیار سے اپنے
اکبر کی عروسی کے نہ دیکھا کرو سپنے
صغرا کے قریں اتنا نہ بیٹھا کرو بی بی
پہلو میں کبھی ماں کہ بھی سویا کرو بی بی
اچھی نہیں یہ بات نہ رویا کرو بی بی

ذندان سے یہ ریحان صداآتی ہے اکسر
جیسے کے سکینہ سے یہ فرماتے ہوں سرور
اب ڈر سے لعینوں کے نہ جاگا کرو بی بی
پہلو میں کبھی ماں کہ بھی سویا کرو بی بی
اچھی نہیں یہ بات نہ رویا کرو بی بی