Achey Merey Baba Lyrics - Nadeem Sarwar

This website is for sale — Interested? Learn more →

Achey Merey Baba Lyrics - Nadeem Sarwar

Achey Merey Baba Lyrics in Urdu

ہائے کیا عالمِ تنہائی ہے

اب آخری رُخصت کو چلے سیدِوالا
کہرام تھا دل ہوتے تھے غم سے تہوبالا
شبیر نے گودی سے سکینہ کو اُتارا
غازی کو کبھی اکبر و قاسم کو پکارا
بابا کو قسم دے کے بُلاتی تھی سکینہ
سر پیٹتی پیچھے چلی جاتی تھی سکینہ

اچھے میرے بابا ہائے کیا عالمِ تنہائی ہے
اچھے میرے بابا نہ سکینہ سے چھپانہ
کہیں بھول نہ جانا

دل روتا ہے کیوںپہنا ہے ملبوس پُرانہ
کہیں بھول نہ جانا

اس طرح سفر پر کوئی جاتا نہیں دیکھا
پہنے تمہیں ایسا کبھی کُرتا نہیں دیکھا
میں جان گئی آج ہے مقتل میں ٹھکانہ
کہیں بھول نہ جانا
اچھے میرے بابا نہ سکینہ سے چھپانہ
کہیں بھول نہ جانا

شہہ بولے میں قربان میری جان سکینہ
اک وعدہ ہے جو آج نبھانہ ہے سکینہ
خیموں سے نکل کر نہ ہمیں ڈھونڈنے آنا
کہیں بھول نہ جانا
اچھے میرے بابا نہ سکینہ سے چھپانہ
کہیں بھول نہ جانا

کل رات سے بے چین تھے میں دیکھ رہی تھی
میں سینے پہ لیٹی تھی مگر سوئی کہاں تھی
اب سمجھی تمہیں ہم سے بہت دُور ہے جانا
کہیں بھول نہ جانا
اچھے میرے بابا نہ سکینہ سے چھپانہ
کہیں بھول نہ جانا

آتا ہے نظر حال غریبی کا تمہاری
لگتا ہے یہ سامان یتیمی کا ہماری
بابا ہمیں جینے نہیں دے گا یہ زمانہ
کہیں بھول نہ جانا
اچھے میرے بابا نہ سکینہ سے چھپانہ
کہیں بھول نہ جانا

اکبر کبھی اصغر کبھی قاسم نے رُلایا
جو رن کو گیا آج پلٹ کر نہیں آیا
بھولی نہیں اب تک میں چچا جان کا جانا
کہیں بھول نہ جانا
اچھے میرے بابا نہ سکینہ سے چھپانہ
کہیں بھول نہ جانا

پہلو سے شہہ دیں کے نہ ہٹتی تھی سکینہ
دامن کبھی قدموں سے لپٹتی تھی سکینہ
تڑپاتا ہے یہ آپ کا دامن کو چھڑانا
کہیں بھول نہ جانا
اچھے میرے بابا نہ سکینہ سے چھپانہ
کہیں بھول نہ جانا

اے سرور و ریحان یہ کہنے لگے سرور
ہم بھی وہیں جاتے ہیں جہاں سوتے ہیں اصغر
بیٹی پھپی اماں کو نہ رو رو کے رُلانا
کہیں بھول نہ جانا
اچھے میرے بابا نہ سکینہ سے چھپانہ
کہیں بھول نہ جانا