Abbas Jo Zinda Hai

Abbas Jo Zinda Hai Lyrics in Urdu

باوفا یا عباسؑ, باوفا یا عباسؑ
عباسؑ, عباسؑ, عباسؑ, عباسؑ

محفوظ قافلہ ہے، عباسؑ جو زندہ ہے
ابھی دور کربلا ہے، عباسؑ جو زندہ ہے

اس نوری کارواں میں نوری عماریاں ہیں
نوری عماریوں میں نوری سواریاں ہیں
سر پر علم کھلا ہے، عباسؑ جو زندہ ہے
ابھی دور کربلا ہے، عباسؑ جو زندہ ہے

نامحرموں کا مجمع ہٹ ہٹ کے ہے گذرتا
پہرے میں باوفا کے طے ہو رہا ہے رستہ
کیا شان و دبدبہ ہے، عباسؑ جو زندہ ہے
ابھی دور کربلا ہے، عباسؑ جو زندہ ہے

عباسؑ جیسا بھائی، سالارِ کارواں ہے
بولے حسینؑ مجھ کو پھر کوئی غم کہاں ہے؟
ہر غم کی یہ دوا ہے، عباسؑ جو زندہ ہے
ابھی دور کربلا ہے، عباسؑ جو زندہ ہے

زینبؑ حیا کی ملکہ، کلثومؑ اور رقیہؑ
لیؑلیٰ، ربابؑ، فروہؑ، کبرؑیٰ، سکینہؑ، فضّہؑ
ہر بی بی باردا ہے، عباسؑ جو زندہ ہے
ابھی دور کربلا ہے، عباسؑ جو زندہ ہے

اصغرؑ سے کھیلتی ہے، خوش ہے بہت سکینہؑ
جب چاہتی ہے سونا، ہے بابا جاں کا سینہ
غم سے ناآشنا ہے، عباسؑ جو زندہ ہے
ابھی دور کربلا ہے، عباسؑ جو زندہ ہے

عباسؑ, عباسؑ, عباسؑ, عباسؑ