Mir Sajjad Mir
Mir Sajjad Mir
Kis Tarha Se Bayan Ho Ghurbat Hussain Ki
Chalne Lagi Jo Halq Pe Mazloom Ke Churi
Aik Char Sala Bachi Thi Maidan Mein Kharhi
Sehme Huye Qadam Se Sooye Shimr Woh Barhi
Kehti Thi Shimr Dilbar E Zahra Ko Mar Ke
Tujh Ko Mile Ga Kya Mere Baba Ko Maar Ke
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
Daolat Ke Wastay Na Inhen Maar Thehar Ja
Mat Mar Tu Gale Pe Inhen Waar Thehar Ja
Main De Rahi Hun Khud Tujhe Gohar Utar Ke
Aey Shimr Rehm Kar Mere Baba Ko Chorh De
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
Shaid Yehi Waja Hai Jo Katta Nahi Gala
Dadi Ne Khud Gale Pe Gala Hai Rakha Hua
Lipti Hui Hain Fatima Baba Hussain Se
Aey Shimr Rehm Kar Mere Baba Ko Chorh De
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
Pani Main Baba Jaan Ko Pila Lun To Zibha Kar
Goudi Mein Un Ke Sar Ko Utha Lun To Zibah Kar
Lashe Utha Utha Ke Hain Baba Thake Huye
Aey Shimr Rehm Kar Mere Baba Ko Chorh De
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
Zaanoo Hata De Baba Ke Seene Se Is Ghari
Lene De Chain Se Inhen Sansen Yeh Akhri
Bas Baba Jane Wale Hain Duniya Ko Chorh Ke
Aey Shimr Rehm Kar Mere Baba Ko Chorh De
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
Hurr Ki Tarha Se Ab Bhi Tera Intezar Hai
Un Ki Nazar Mein Tere Liye Ab Bhi Pyar Hai
Ab Bhi Muaaf Kar Den Gy Ay Shimr Woh Tujhe
Aey Shimr Rehm Kar Mere Baba Ko Chorh De
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
Darhi Pakarhe Ke Kiun Tu Tamanche Lagata Hai
Zehra Ki Betion Ke Dilon Ko Dukhata Hai
Kiun Marta Hai Bhai Ko Behnon Ke Samne
Aey Shimr Rehm Kar Mere Baba Ko Chorh De
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
Sajjad Us Ke Samne Katta Raha Gala
Karti Rahi Woh Minnaten Khanjar Nahi Ruka
Sarwar Bhi Apni Beti Ki Ghurbat Pe Rote Thy
Aey Shimr Rehm Kar Mere Baba Ko Chorh De
Ran Mein Sakina Kehti Thi Hathon Ko Jorh Ke
Aey Shimr Rehm Kar Mere Baba Ko Chorh De
