Zainab Galay Ko Choom Lai

Zainab Galay Ko Choom Lai Lyrics in Urdu

زینب گلے کو چوم لے بھئیا تو جائیے
سو جائے تھوڑی دیر سكینہ تو جائیے

اَماں کہیں گی دیکھ كے چہرہ لہو بھرا
زینب نے کیا خیال نہیں رکھا بھائی کا
چادر سے صاف کر لوں جو چہرہ تو جائیے

زینب غریب ہو گئی کچھ بھی نہیں بچا
لاشے اُٹھا كے عونؑ و محمدؑ كے میں ذرا
اِک بار پِھر اُتَار لوں صدقہ تو جائیے

جانے نا دیتی برچھیوں والوں میں میں کبھی
وہ ماں ہیں اور کنیز ہوں بھئیا میں آپ کی
رَن میں بلا رہی ہیں جو زہرہ تو جائیے

روکوں گی پِھر نا آپ کو وعدہ رہا میرا
نزدیک ہے یہاں سے نجف شاہِ کربلا
آ جائیں میرے پاس جو بابا تو جائیے

لگتا ہے رَن میں آپ کا کرتا ہے اِنتظار
لہرا رہا ہے ہاتھ میں خنجر وہ بار بار
بھئیا بَدَل لے شمر اِرادہ تو جائیے

کرنی ہے جنگ آخری بھئیا بہن نثار
خوں بہہ رہا ہے کیسے چالائیں گے ذوالفقار
بازو کا زخم باندھ دے بہنا تو جائیے

زنداں میں ہم جو قبرِ سكینہ بنائیں گے
کیا آپ لے كے غازی کو اُس وقت آئیں گے
کر لیجیئے بہن سے یہ وعدہ تو جائیے

کیسے بیاں ہو میر تکلمؔ وہ بے کسی
یہ کہہ كے بنتِ فاطمہ خاموش ہو گئی
وعدے میں دیر ہوتی ہے اچھا تو جائیے