Wasiyat e Bibi Fatima Zehra

Pasliya Tori Gayin Kaise Ye Batlaungi Mai
Hashr Ke Maydaan Me Bhi Is Haal Me Aungi Me
Haath Pehlu Se Na Tum Mera Hatana Ya Ali
Aaj Rukhsat Ho Rahi Hai Tum Se Zahra, Ya Ali

Woh Musibat Aap Ne Acha Huwa Dekhi Nahi
Ab Me Seedhe Haath Se Tasbih Hi Pardh Sakti Nahi
Aaisa Qunfuz Ne Hai Mara Taziyana Ya Ali
Aaj Rukhsat Ho Rahi Hai Tum Se Zahra, Ya Ali

Kehti He Zainab Ye Mujse Dekh Kar Chehra Mera
Aap Ke Rukhsaar Par Ye Neel He Kaysa Para
Me ne Khaya He Tamacha Mat Batana Ya Ali
Aaj Rukhsat Ho Rahi Hai Tum Se Zahra, Ya Ali

Taziyane Ki Aziyyat Ka Uthaana Ek Taraf
Woh Tamache, Qatl e Mohsin, Dar Jalana Ek Taraf
Sab Se Mushkil Tha Magar Darbar Jana Ya Ali
Aaj Rukhsat Ho Rahi Hai Tum Se Zahra, Ya Ali

Jab Meri Talqeen Parhna Yaad Kar Lena Zara
Dar Ke Ghir Ne Se Mera Bazu Bhi He Tuta Huwa
Mere Shano Ko Zara Dheere Hilana Ya Ali
Aaj Rukhsat Ho Rahi Hai Tum Se Zahra, Ya Ali

Chahe Aa Jaye Qayamat, Mujh Se Ye Waada Karo
Jab Talak Mola Mere Shabbir Ki Marzi Na Ho
Tab Talak Mera Janaza Mat Uthaana Ya Ali
Aaj Rukhsat Ho Rahi Hai Tum Se Zahra, Ya Ali

Jab Se Aayi Hun Palat Kar Fikr He Mujh Ko Yehi
Me To Parde Me Gaye Phir Bhi Za'eefa Ho Gayi
Be rida Darbar Hai Zainab Ko Jana Ya Ali
Aaj Rukhsat Ho Rahi Hai Tum Se Zahra, Ya Ali

Karbala Me Jab Mere Mazloom Par Khanjar Chale
Pyaas Ke Aalam Me Wo Ghazi Ko Jab Awaaz De
Me Bhi Aungi Waha Par, Tum Bhi Aana Ya Ali
Aaj Rukhsat Ho Rahi Hai Tum Se Zahra, Ya Ali

Haath Pehlu Par Rakhe, Boli Takallum Fatima
Me Dua Karti Hun Tum Aameen Keh Dena Zara
Jald Aaye Mere Mehdi Ka Zamana, Ya Ali
Aaj Rukhsat Ho Rahi Hai Tum Se Zahra, Ya Ali